တစ်ယောက်တည်း ကပြဖြစ်တော့မယ့် ဟန်ဇာမိုးဝင်းအတွက် ဖခင်ဖြစ်သူရဲ့ အားပေးစကား

တစ်ယောက်တည်း ကပြဖြစ်တော့မယ့် ဟန်ဇာမိုးဝင်းအတွက် ဖခင်ဖြစ်သူရဲ့ အားပေးစကား
August 1, 2018 Asian Fame Media
တစ်ယောက်တည်း ကပြဖြစ်တော့မယ့် ဟန်ဇာမိုးဝင်းအတွက် ဖခင်ဖြစ်သူရဲ့ အားပေးစကား

အခုနှစ်ဇာတ်သဘင်ရာသီကနေစတင်ပြီး စံပြသဘင်အနေနဲ့ ဟန်ဇာမိုးဝင်း တစ်ယောက်တည်းသာ ကပြဖြစ်တော့မှာပဲဖြစ်ပါတယ်။ အရင်ကတော့ စံပြသဘင် အနေနဲ့ ဟန်ဇာမိုးဝင်း၊ တင်ဇာမိုးဝင်း၊ အဂ္ဂါမိုးဝင်းတို့ မောင်နှမ ၃ ယောက်က ပြခဲ့ရာကနေ အခုနှစ်မှာ ဟန်ဇာမိုးဝင်း တစ်ယောက်တည်းသာကပြဖြစ်တော့မှာ ပါ။ အဲဒီအတွက်လည်း သဘင်မင်းသားကြီး ဦးမိုးဝင်းက သားဖြစ်သူဟန်ဇာ မိုးဝင်းကို အခုလိုအားပေးစကားပြောလာခဲ့တာကတော့-

“လူတစ်ယောက်ဟာသူမရှိလို့ မဖြစ်ဘူးဆိုရင် လဲသွားမှာ ပေါ့။ အဲဒီစိတ်ကို ဘယ်တော့မှမသွင်းရဘူး။ စိတ်ဓာတ်သည်သာ အရေးကြီးဆုံးပါ။ အားကိုးခြင်း သံယောဇဉ်ဆိုတာတွေ ကတော့ မောင်နှမတွေမှာတော့ရှိတာပေါ့။ ဒါပေမဲ့ အလုပ်ကျတော့ ကိုယ့်ဘာသာကိုယ် လုပ်တဲ့အချိန်မှာ ကိုယ့်ဘာသာကိုယ်ပဲ လုပ်ရမှာပေါ့။ ဘာဝမ်းနည်းစရာရှိ လဲ အဲဒီမှာ ပြည်သူကို ဘယ်လိုဖျော်ဖြေတင်ဆက်မလဲ၊ ဘယ်လိုတွေလုပ်ပြမလဲဆိုတာကသာ အဓိကကျတယ်” လို့ ပြောပါတယ်။

ဦးမိုးဝင်းအနေနဲ့အောင်မြင်ကျော် ကြားစဉ်အချိန်တုန်းက အတူတူလုပ်ကိုင်ရင်း အတွဲညီ ခဲ့တဲ့ မိုးဒီ၊ မော့စ်၊ ဒါရိုက်တာမောင်စိတ္တတို့က ဇာတ်သဘင် ကနေထွက်ခွာခဲ့ကြပါတယ်။ အဲဒီအချိန်မှာ ဦးမိုးဝင်းအနေနဲ့ လည်း တစ်ယောက်တည်း ပြန်လည်ရုန်းကန်ကြိုးစားခဲ့ရတာတွေရှိခဲ့ပါတယ်။ အဲဒီအချိန်ကာလတုန်းကလည်း အဖေဖြစ်သူ ဦးစိန် မာဒင်က သူ့ကို အားပေးစကားတွေ ပြောကြားပေးခဲ့တယ်လို့ ဦးမိုး ဝင်းက ပြောပါတယ်။

“ဦးမိုးသာစိတ်ဓာတ်ကျမယ်ဆိုရင် အခု အချိန်မှာ ဟန်ဇာတို့လည်း မဖြစ်လာတော့ဘူးလေ။ ဖေဖေက ဘာပြောလဲဆိုတော့ သားရယ်တဲ့။ ဒါတွေကဖြစ်လေ့ဖြစ်ထရှိတဲ့အရာတွေပဲ။ အဲဒီအခက်အခဲကို ကျော်လိုက်ရင် ပြီးသွားတာပါပဲ တဲ့။ အခု သားဟန်ဇာလည်းဒီအတိုင်းပါပဲ။ မောင်နှမတွေက ချစ်ချစ်ခင်ခင်နဲ့ သူ့အလုပ်သူသွားလုပ်တယ်။ ဘာမှ စိတ်ညစ်စရာ မရှိဘူးလေ” လို့ ဦးမိုးဝင်းကပြောပါတယ်။

လင်းအက္ခရာ

Comments (0)

Leave a reply

Your email address will not be published. Required fields are marked *

*