ကလယ်ရီနက် သမား

ကလယ်ရီနက် သမား
July 24, 2018 Asian Fame Media
ကလယ်ရီနက် သမား

သူသည် ကလယ်ရီနက်သမားအဘိုးအိုဖြစ်သည်။ ကလယ်ရီ နက်ဆိုသည်မှာ လေမှုတ်တူရိယာ တစ်ခုဖြစ်ကာ အနက်ရောင်ြေ>ွမ သဖွယ်ရှိပြီး လေပေါက်များကို ဖွင့် ပိတ်ပေးနိုင်သော ခလုတ်များပါရှိ သလို လျှာခင်ဖြင့် ဂီတသံပေါ်ထွက် အောင် မှုတ်နိုင်ပါသည်။ ကလယ်ရီ နက်သမား အဘိုးအိုသည် သူလူငယ် ဘဝက နာမည်သိပ်မကြီးသော ဆပ် ကပ်အဖွဲ့ တစ်ဖွဲ့ထဲတွင် လိုက်ပါခဲ့ သည်။ ထိုဆပ်ကပ်အဖွဲ့တွင် သူသည် ခုံမြင့်မြင့် တစ်ခုပေါ်၌ ထိုင်ကာ ကလယ်ရီနက်ကို မှုတ်ပြရသည်။

ဆပ်ကပ်အဖွဲ့မှာ သာမန်ဖြစ်သော် လည်း သူ၏ကလယ်ရီနက်မှ မှုတ် သံမှာ ညွှတ်နူးပျော့ပျောင်း၍ ငြိမ့် ညောင်းသာယာသော ဂီတသံသာဖြစ် သည်ကို ဆပ်ကပ်အဖွဲ့ ကြည့်ရှုရန် လာသူများ သတိပြုမိကြပေသည်။ ဆပ်ကပ်အဖွဲ့မှ ပြကွက်များမှာ အထူးအဆန်းများ သိပ်မပါချေ။ ဆပ် ကပ်အဖွဲ့၏ ပြကွက်များမှာ လာ ရောက်ကြည့်ရှုသူများပင် မိမိတို့ လည်း လုပ်ဆောင်နိုင်သည်ဟု ထင် မှတ်လာကြလေ့ရှိသည်။ ရွှေပွဲလာ များ သမ်းဝေလာကြပြီဆိုလျှင် ဆပ် ကပ်တည်ထောင်သူသည် ကလယ်ရီ နက်သမားကို ခုံမြင့်မြင့်ပေါ်တက်စေ ကာ တေးသွားတစ်ခုကို မှုတ်၍ ဖျော် ဖြေတင်ဆက်စေတော့သည်။ ခုံမြင့် မြင့်ပေါ်ရှိ အနက်ရောင်ကလယ်ရီ နက်မှ ဂီတသံထွက်ပေါ်လာပြီဆိုလျှင် ရွှေပွဲလာတို့သည် ထူးဆန်းသောတေး သံကို နားဆင်ကြရသလို ထင်မှတ်မိ ကြတော့သည်။

စောစောက ဆပ် ကပ်အဖွဲ့မှ အံ့သြဖွယ်မရှိသော ပြကွက်များကို မေ့လျော့သွားကြကာ ကလယ်ရီနက်ဂီတသံ မျှဉ်းမျှဉ်းကို ငေးမောကြည့်ရှုကြတော့သည်။ ဆပ် ကပ်အဖွဲ့မှ အစီအစဉ်ကြေညာသူ သည် ယခုဖျော်ဖြေနေသော တေး သွားမှာ မည်သည့်တေးသွားဖြစ် ကြောင်း ပြောပြနေသည်။ ‘မြောက် ပိုင်းဆီသို့ ခရီးသွားခြင်း’တေးသွား၊ ‘မြစ်ကြီး ဂင်္ဂါ’တေးသွား၊ ‘ပိတုန်း ကောင်ပျံဝဲခြင်း’ တေးသွားတို့မှာ ရွှေ ပွဲလာတို့၏ ဘဝင်နှလုံးကို ကျေနပ် ပီတိဖုံးစေတော့သည်။ ဂီတသံများထဲ တွင် မြင်းခွာသံများ ကြားမိရသလိုလို၊ ရေအလျဉ် တိုးဝှေ့စီးဆင်းသံများ ပါလာသလိုလို၊ ပိတုန်းကောင် အတောင်ပံ ခေတ်သည်ကို တွေ့နေရ သလိုလို ခံစားလာရစေသည်ဟု ဆို ကြပါသည်။ ကလယ်ရီနက်သမား သည် နာမည်သိပ်မကြီးသော ဆပ် ကပ်အဖွဲ့တွင် လိုက်ပါလျက် တီးမှုတ် ဖျော်ဖြေခဲ့သည်။

သူသည် ရံဖန်ရံခါြေ>ွမများ၊ မျောက်များနှင့်လည်း တွဲဖက်ကာ ဖျော်ဖြေခဲ့ရသည်။ ဆပ် ကပ်အဖွဲ့ကြေ>ွမများမှာ အထူးအဆန်း ဘာမျှသိပ် လုပ်မပြနိုင်ကြချေ။ သူ တို့သည် လူ၏ ခန္ဓာကိုယ်ကို ရစ်ပတ် လိမ်ကာ ပြီးလျှင် ပခြုပ်ထဲသို့ ပြန် လည်ဝင်ရောက် သွားကြသည်သာ ပင်။ ဆပ်ကပ်အဖွဲ့တွင် စိတ်ဝင်စား စရာကောင်းသည်ဟု ဆိုနိုင်သည် ကား မျောက်တို့၏ ပြကွက်များဖြစ် သည်။ ဆပ်ကပ်ပိုင်ရှင်သည် မျောက် များကို အမိန့်နာခံတတ်ရန် လေ့ကျင့် ပေးထားနိုင်ခြင်းမရှိပေ။

မျောက်များ သည် အချိန်မစေ့မချင်း မိမိတို့ ထင် ရာမြင်ရာများကို ပြုမူ လုပ်ဆောင် ကြပြီး ထိုအချိန်သည် ရွှေပွဲလာပရိ သတ်တို့ စိတ်ဝင်စားခြင်းခံရသော အချိန်လည်းဖြစ်ပေသည်။ အချိန်စေ့ သွားလျှင် မျောက်များအားလုံး စီတန်း ကာ ဇာတ်ခုံကို စက်ဝိုင်းပုံပတ်၍ လှောင်အိမ်အတွင်း အသီးသီး ပြန် ဝင်သွားကြပြီဆိုလျှင် လက်ခုပ်သံများ ကွင်းလုံးပြည့်ကြားလာရတော့သည်။ ထိုအချိန်တွင် ကလယ်ရီ နက်သမားသည် ‘မြောက်ပိုင်းဆီသို့ ခရီးသွားခြင်း’ တေးသွားကို ထွက်ပေါ်စေကာ ဖျော်ဖြေပါတော့သည်။ မှန်ပါသည်။ ယင်း ကြောင့်ပင် ဆပ်ကပ်အဖွဲ့သည် နာမည် သိပ်မကြီးသော်လည်း ကပြလေရာတွင် ရုံဝင်ကြေး တူတူတန်တန် ရရှိခြင်းဖြစ်ပါသည်။

ယခုမူ ကလယ်ရီနက်သမားသည် အဘိုးအိုဖြစ်လာကာ အဘိုးအိုသည် အိမ်ထဲမှ အိမ်ပြင်သို့ သိပ်မထွက်တော့ပေ။ ကလယ်ရီနက်သမား အဘိုးအိုသည် ရံဖန်ရံခါ အရက်ကလေး ခပ်ထွေထွေရှိသော ညနေခင်းများတွင် သူ၏ အနက်ရောင် ကလယ်ရီနက်ကိုထုတ်ယူကာ ဂီတသံထွက် ပေါ်လာစေတော့ သည်။ သူ၏ကလယ်ရီနက်မှုတ်သံမှာ ပီသကြည်လင်ခြင်းမရှိ တော့။

လမ်းပေါ်မှ ဖြတ်သန်းသွားလာသူတို့က ဘာသိဘာသာပင်။ သူတို့သည် ကလယ်ရီနက်သံကို အရေးတယူမရှိကြပေ။ သို့ရာ တွင် အချို့သော သိမီလိုက်သူတို့က အလွန်ခမ်းနားသော ‘မြောက်ပိုင်းဆီသို့ ခရီးသွားခြင်း’ တေးသွားဖြစ်ကြောင်း ပြောကြ သည်။ သို့ရာတွင် ထိုတေးသွားကို နားထောင်ဖူးသူမှာ အနည်း ငယ်မျှသာ။

နေမျိုး

Comments (0)

Leave a reply

Your email address will not be published. Required fields are marked *

*