ခင်ပွန်းဖြစ်သူရဲ့ ပံ့ပိုးမှုတွေကြောင့် စိတ်ချမ်းသာနေရပါတယ်လို့ ဖွင့်ဟလိုက်တဲ့ ဇင်ဇင်ဇော်မြင့်

ခင်ပွန်းဖြစ်သူရဲ့ ပံ့ပိုးမှုတွေကြောင့် စိတ်ချမ်းသာနေရပါတယ်လို့ ဖွင့်ဟလိုက်တဲ့ ဇင်ဇင်ဇော်မြင့်
July 10, 2018 AsianFame MediaGroup
ခင်ပွန်းဖြစ်သူရဲ့ ပံ့ပိုးမှုတွေကြောင့် စိတ်ချမ်းသာနေရပါတယ်လို့ ဖွင့်ဟလိုက်တဲ့ ဇင်ဇင်ဇော်မြင့်

သရုပ်ဆောင် ဇင်ဇင်ဇော်မြင့်နဲ့ ခင်ပွန်းဖြစ်သူ ချမ်းကျော်ကျော်ပိုင်တို့ရဲ့ CKKP Production ကနေ ပထမဦးဆုံးပွဲဦးထွက်လာခဲ့တဲ့ ‘ရာဇဝင်ရိုင်းခဲ့သည်’ ရုပ်ရှင်ဇာတ်ကားကြီးကတော့ ဇွန်လ ၆ ရက်နေ့က စတင်ပြီး ရုံတင်ပြသနေပြီဖြစ်သလို ဇင်ဇင်ဇော်မြင့်ကိုယ်တိုင်လည်း ရုပ်ရှင်လောကထဲ တစ်ကျော့ပြန်လည် ဝင်ရောက်လာပြီဖြစ်ပါတယ်။

”မေလေးကတော့ အဲဒီမှာ ဖက်ရှင်ဒီဇိုင်နာ ခင်နန်းစံဆိုပြီး သရုပ်ဆောင်ထားတယ်။ မာနကြီး တယ်။ အချစ်ကို ကိုးကွယ်တယ်။ တန်ဖိုးထားတယ်။ အဲဒီအချိန်မှာ မာနကြီးတဲ့ ကောင်လေးတစ်ယောက်နဲ့ဆုံတဲ့အခါ မှာ ပရိသတ်ကြီး ဆက်လက်ကြည့်ရှုပါလို့”လို့ ဇင်ဇင်ဇော်မြင့်က ‘ရာဇဝင်ရိုင်းခဲ့သည်’ ဇာတ်ကားထဲက သူ့ရဲ့ ကာရိုက်တာနဲ့ပတ်သက်ပြီး ပြောပြပါတယ်။ ရှေ့မှာဆိုခဲ့သလို ရုပ်ရှင်လောကထဲ တစ်ကျော့ပြန်ဝင်ရောက်လာပြီဆို တော့ ဇင်ဇင်ဇော်မြင့်ရဲ့ နောက်ထပ်ဇာတ်ကားက …

”အခု ဒုတိယဇာတ်ကားက သရဲကားဖြစ်မှာပါ။ သရဲကားက တခြားသရဲကားတွေနဲ့ မတူဘဲနဲ့ အဝတ်အစားတွေ၊ မိတ်ကပ်တွေကအစ အကုန်အဆန်းတွေချည်းပဲလုပ်ထားပါတယ်။ ဘယ်လိုသရဲကားလဲဆိုတာကတော့ အချိန်တန်လို့ရှိရင်ပြောပြပါမယ်”လို့ သူကပြောပါတယ်။ အရင်က ဇင်ဇင်ဇော်မြင့်နဲ့ အခု ဇင်ဇင်ဇော်မြင့် ထွေထွေ ထူးထူးပြောင်းလဲသွားတာမရှိဘူးနော်လို့ ဆိုတော့ …

”အမှန်အတိုင်းပြောရရင်တော့ မေလေးက ဘုရား၊ တရားသမားပါ။ ဘာသာရေးလိုက်စားတယ်။ နောက်ပြီး တရားတွေထိုင်တယ်။ ပြီးတော့ မေလေးက စိတ်ကိုပျော်ပျော်ထားတတ်တယ်။ ကိုယ့်ကို ချစ်တဲ့သူဖြစ်ဖြစ်၊ မုန်းတဲ့သူဖြစ်ဖြစ် ကိုယ်က အမြဲတမ်းအကောင်းဘက်ကပဲ ကြည့်ပေးတယ်။ ပြီးတော့ စိတ်ကိုအမြဲတမ်းပျော်အောင် နေတယ်။ စိတ်ညစ်စရာကတော့ လူတိုင်းမှာရှိတာပေါ့လေ။ ဒါပေမဲ့ ကိုယ်က စိတ်ညစ်စရာတွေကို ချက်ချင်းပဲ ခေါင်းထဲ ကနေထုတ်ပြီးတော့ ပျော်အောင်ပဲအမြဲနေပါတယ်”လို့ သူက ဆက်လက်ပြောပါတယ်။ အခုလို စိတ်ချမ်းသာနေတာ ကိုချမ်းကျော်ကျော်ပိုင်နဲ့လည်း သက်ဆိုင်မယ်ထင်တယ်လို့ဆိုတော့…

”အဲဒီလိုပြောရင်လည်း ရပါတယ်။ အဓိကကတော့ သူကပံ့ပိုးပေးတာပေါ့လေ။ သူပံ့ပိုးပေးလို့လည်း ကိုယ်က စိတ်ချမ်းသာတာပေါ့(ရယ်လျက်)” လို့ ဇင်ဇင်ဇော်မြင့်က ပြောပြခဲ့ပါတယ်။

မျိုးမောင်

Comments (0)

Leave a reply

Your email address will not be published. Required fields are marked *

*