ဗိုလ်တထောင်စေတီတော် ဆံတော်မြတ် ကြွချီတဲ့နေရာမှာ လက်ကောက်၊ စိန်လက်စွပ်တို့ကို မွေးနေ့အလှူအဖြစ် လှူဒါန်းခဲ့တဲ့ စည်သူ ဒေါ်တင်တင်မြ

ဗိုလ်တထောင်စေတီတော် ဆံတော်မြတ် ကြွချီတဲ့နေရာမှာ လက်ကောက်၊ စိန်လက်စွပ်တို့ကို မွေးနေ့အလှူအဖြစ် လှူဒါန်းခဲ့တဲ့ စည်သူ ဒေါ်တင်တင်မြ
May 2, 2018 AsianFame MediaGroup
ဗိုလ်တထောင်စေတီတော် ဆံတော်မြတ် ကြွချီတဲ့နေရာမှာ လက်ကောက်၊ စိန်လက်စွပ်တို့ကို မွေးနေ့အလှူအဖြစ် လှူဒါန်းခဲ့တဲ့ စည်သူ ဒေါ်တင်တင်မြ

 

မြတ်စွာဘုရားကို အမှူးပြုပြီး သံဃာတော်အရှင်သူမြတ်အပေါင်းတို့ကို မြန်မာသံစဉ် ဂန္ထလှူဖွယ်ဝတ္ထုပစ္စည်းများနဲ့ နေ့ဆွမ်း ဆက်ကပ်လှူဒါန်းခဲ့ပါတယ်။ ကြွရောက်လာတဲ့ ဧည့်ပရိသတ်တွေကို နေ့လယ်စာနဲ့တည်ခင်းဧည့်ခံကျွေးမွေးတယ်။ ချစ်သူ၊ ခင်သူ အနုပညာ ညီအစ်ကို မောင်နှမတွေနဲ့ ဖြတ်သန်းတယ်။ အဲဒါကတော့ ဧပြီ ၂၅ရက်နေ့ မွေးနေ့ရှင် စည်သူဘွဲ့ရ ဂန္ထဝင်တေးသံရှင်ကြီး ဒေါ်တင်တင်မြမွေးနေ့ မင်းကွန်းတိပိဋကကျောင်းတိုက်မှာ ဖြတ်သန်းခဲ့တဲ့ ဖြတ်သန်းမှုပါ။ မွေးနေ့ မတိုင်ခင်ကတည်းက အလှူအတန်းတွေ ပြုလုပ်နှင့်ပြီးသားဖြစ်တဲ့ ဒေါ်တင်တင်မြက သူမရဲ့ အလှူအတန်းတွေကိုလည်း အခုလို ပြောပြပါတယ်။

”ဗိုလ်တထောင် စေတီတော်ကနေ ဆံတော်မြတ် ရွှေတိဂုံစေတီတော်ကို ကြွချီတဲ့အခါမှာ အန်တီမြနှစ်သက်ပြီး အမြဲကို ဆင်မြန်းခဲ့တဲ့ လက်ကောက်ရယ်၊ နောက်ပြီးတော့ စိန်လက်စွပ်တစ်ကွင်း လှူဒါန်းခဲ့တယ်။ နောက်တစ်ခါ ဘုန်းဘုန်းများကိုလည်း ဆွမ်းပဒေသာပင် စိုက်ထူပေးခဲ့တယ်။ ယပ်၊ သင်္ကန်း၊ ဖိနပ်စသဖြင့် အကုန်လုံးကို လှူတယ်။ နောက်ပြီးတော့ ဘုန်းကြီးကျောင်းတစ်ကျောင်းအတွက်လည်း အမိုးအကာအတွက် ကျပ် သိန်း ၂ဝ လှူတယ်။ စသဖြင့်ပေါ့လေ။ အလှူ လေးတွေတော့ အများကြီး လုပ်ထားခဲ့ပါတယ်”လို့ ဒေါ်တင်တင်မြ ပြောပြရာမှ သိရပါတယ်။

အသက် ၈၂ နှစ်အရွယ် မြန်မာ သံစဉ် ဂန္ထဝင်တေးသံရှင်ကြီး ဒေါ်တင်တင်မြရဲ့ အမှတ်တရ ဂီတစကားကတော့ …

”ဂီတနဲ့ ပတ်သက်လို့ကတော့ အန်တီမြတို့က မြန်မာသံစဉ်နဲ့ ကြီးပြင်းလာတာလေ။ မြန်မာ့ဂန္ထဝင်တေး သီချင်း တွေကို ပြန်လည်သီဆိုကြတဲ့အခါမှာ ကလေးတွေကို အန်တီမြ ဖိတ်ခေါ်တယ်။ အားလည်းပေးတယ်။ သို့သော်လည်းပဲ မှန်မှန်ကန်ကန်ဖြစ်အောင် သီဆိုကြပါ။ အန်တီမြတို့ သက်ရှိထင်ရှားရှိစဉ်အခါမှာလည်း လာရောက်မေးမြန်းပါ။ အန်တီမြ တို့ တန်းတူရှိနေတဲ့ လူကြီးတွေဆီမှာလည်း မေးမြန်းကြပါ။ ဖော်ထုတ်ကြပါ။ အန်တီမြလည်း အမြဲအားပေးလျက်ပါ။ ပရိသတ်များအနေနဲ့ကလည်း မြန်မာ့ဂီတကို အားပေးကြပါ။ စတီရီယိုနဲ့ မြန်မာသံစဉ်နဲ့ မခွဲခြားဘဲနဲ့ ဂီတဆိုတဲ့ အမြင်တစ်ခုတည်းမှာ မြင်ပြီးတော့ အားပေးကြပါလို့ အန်တီမြကပြောလိုပါတယ်”လို့ ဒေါ်တင်တင်မြက ပြောပြခဲ့ပါ တယ်။

မျိုးမောင်၊

ဓာတ်ပုံ-ဇော်ဝင်းအောင်

 

 

 

Comments (0)

Leave a reply

Your email address will not be published. Required fields are marked *

*