သမီးဖြစ်သူ ငယ်ရွယ်သေးတဲ့အတွက် အနုပညာ လောကထဲမှာပဲပျော်သွားမှာ ကြောက်နေသူ ခိုင်သင်းကြည်

သမီးဖြစ်သူ ငယ်ရွယ်သေးတဲ့အတွက် အနုပညာ လောကထဲမှာပဲပျော်သွားမှာ ကြောက်နေသူ ခိုင်သင်းကြည်
April 4, 2018 Leanne Win
သမီးဖြစ်သူ ငယ်ရွယ်သေးတဲ့အတွက် အနုပညာ လောကထဲမှာပဲပျော်သွားမှာ ကြောက်နေသူ ခိုင်သင်းကြည်

အကယ်ဒမီဗန်းကိုင် ဖြစ်ခဲ့ဖူးသူ ခိုင်သင်းကြည်က အခုနှစ်အကယ်ဒမီပေးပွဲစင်မြင့်ထက်မှာ သမီးလေး စံထိပ်ထား ဦးကို အကူမောင်မယ် တစ်ဦးအဖြစ် ပြန်မြင်တွေ့ရတဲ့ အတွက် မိခင်တစ်ယောက်အနေနဲ့ ပီတိဖြစ်နေသူပါ။ သမီးလေးကို ကြည့်ပြီး ကိုယ်တိုင်အကယ်ဒမီဗန်းကိုင် လုပ်ခဲ့ချိန်က အကြောင်းတွေကိုလည်း ပြန်ပြောင်း တွေးမိသေးတယ်လို့ဆိုတဲ့ ခိုင်သင်းကြည်က…

“သူကဝါသနာပါတယ်လေ။ စင်ပေါ်မှာ ဒီလိုမျိုးလေးတွေ လုပ်တယ်ဆိုတော့လည်း သူ့ကိုကြည့် ပြီး ကိုယ်လည်းပျော်ပါတယ်။ ကိုယ့်သမီးလေးအတွက် ပီတိဖြစ်တာပေါ့။ ကိုယ်တွေလည်း အကယ်ဒမီဗန်း ကိုင်လုပ်ဖူး တယ်လေ။ ဗန်းကိုင်က လာတာမဟုတ်ပေမယ့် ကြော်ငြာတွေ ရိုက်ကူးနေပြီး ဇာတ်ကားတွေမရိုက် သေးတဲ့အချိန်တုန်းက ဗန်းကိုင်ဆိုပြီး မခိုင်တို့ကို ခေါ်ခိုင်းလို့ လုပ်ခဲ့ရတာဆိုတော့ ကိုယ့်တုန်းက အကြောင်းတွေကို ပြန်ပြီးတွေးတာပေါ့။ ကိုယ့် သမီးလေးတောင် ဗန်းကိုင်တဲ့ အရွယ်ရောက်လာပြီလားပေါ့ အဲဒီလိုမျိုးလေးတွေးမိပါတယ်” လို့ပြောပါတယ်။ ခိုင်သင်း ကြည်ရဲ့ တစ်ဦးတည်း သောသမီးလေး စံထိပ်ထားဦးကတော့ မိခင်ရဲ့အနုပညာအမွေကို ဆက်ခံမယ့်သူတစ်ဦးပါ။ အနု ပညာဝါသနာပါတာကို သဘောကျပေမယ့်လည်း တစ်ဖက် က လည်းအသက်ငယ်နေသေးတဲ့အတွက် အနုပညာ လောက ထဲမှာပဲ ပျော်သွားမှာကြောက်နေသေး ကြောင်းကို ခိုင်သင်း ကြည်က…

“အမှန်အတိုင်းပြောရရင်တော့ သူ့ကို မခိုင်တို့လို ရုပ်ရှင်လောကထဲ ဝင်ပြီး ရုပ်ရှင်ဇာတ်ကားတွေ ရိုက် ကူးတယ် ဆိုတာမျိုး မလုပ်စေချင်သေးဘူး။ အရွယ်ကငယ်လည်း တအားငယ်သေးတယ်။ အခုမှ အသက်၁၅နှစ်ပဲ ရှိသေးတယ်။ ပညာရေးက ဟိုမ ရောက်ဒီမရောက်ဖြစ်သွားမှာလေ။ ပညာရေးက လည်း တအားတော်တဲ့ထဲမှာ မပါဘူးဆိုတော့ ပညာရေးမှာတအားကြီး ထူးချွန်တာမျိုး မဟုတ် တောင်မှ တအားညံ့တာမျိုး မဖြစ် စေချင်ဘူး။ မခိုင်တို့လို အလယ်အလတ်လူရိုသေ၊ ရှင်ရိုသေလေး ဘွဲ့လေး တစ်ခုတော့ ရစေချင်သေး တယ်။ အခု သူကIGCSE ပေါ့၊ မြန်မာလိုဆို ၁ဝတန်း ဖြစ်မှာပေါ့။ အဲဒါကို မအောင်ဘဲနဲ့ အနုပညာလော ကထဲမှာပဲ ပျော်သွားမှာလည်း ကြောက် တယ်လေ။ အနုပညာ လောကထဲ ကို လုံးလုံးကြီးတော့ မဝင်စေချင်ပါဘူး။ အခုလိုကြိုးကြားကြိုကြားနဲ့ တောင်မှ အလုပ်တွေ များပြီး ကျောင်းတွေ ပျက်တယ်။ အကယ် ဒမီပွဲ အတွက်ဆိုရင် ၂ရက် ၃ရက်လောက် ကြိုတိုက်ရတယ်။ ကျောင်းတွေ လည်း ခွင့်ယူရတယ်။ ကျူရှင်တွေ လည်းပျက်တယ်။ တော် ကြာနေ မင်္ဂလာဆောင် အတွက် ဗန်းကိုင်တာ ရှိတယ်။ ကြော်ငြာရိုက်ကူး ရှိတယ်။ အလှ ဓာတ်ပုံ ရိုက်တာတွေ တောင် လာလာ ပြော ပေ မယ့် အများကြီး ရိုက်ပေးလို့မရဘူး။ သူ ကျောင်း တအား ပျက်ရတော့စာတွေက တအား လိုက်ရမှာများတယ်။ မခိုင် နဲ့သူကြော်ငြာရိုက်ကူး ဖို့ရှိတယ်။ ဓာတ်ပုံ ရိုက်ဖို့ရှိတယ်။ အဲဒါမျိုးလေး နည်း နည်းပါးပါးပဲ လက်ခံတယ်။ ဇာတ်ကားရိုက် ကူးဖို့ တော့ ခွင့်မပြုသေးပါဘူး” လို့ပြောပါတယ်။

ခိုင်ဝေလွင်

Comments (0)

Leave a reply

Your email address will not be published. Required fields are marked *

*