အဘိုးကြီး နဲ့အဘွားကြီး

အဘိုးကြီး နဲ့အဘွားကြီး
March 19, 2018 Asian Fame Media
အဘိုးကြီး နဲ့အဘွားကြီး

အဘိုးကြီးက အိပ်ရာကနိုးပြီဆိုရင် ကိုယ်လက်သန့်စင်တယ်။ အောက်ထပ်ဆင်းပြီး ရေတင်တဲ့ မော်တာတွေ ဖွင့်တယ်။ ဖုန်းနှစ်လုံး ကို အားသွင်းထားတယ်။ TV သတင်း ကို နားထောင်တယ်။ အဘွားကြီးက တော့ ရေနွေးအိုးတည်တယ်။ ထမင်း အိုးတည်တယ်။ လက်ဖက်ရည်ဖျော် တယ်။ ကိတ်မုန့်ဖြစ်ဖြစ်၊ ပေါင်မုန့် ဖြစ်ဖြစ် ရှိတာနဲ့ အဘိုးကြီးစားဖို့ ကျွေးတယ်။ စားပြီးတော့ အဘိုးကြီး ဟာ သတင်းနားထောင်ရင်း ဘုရား စာတွေ ရွတ်တယ်။ ရေပြည့်မပြည့် ကိုလည်း နားစွင့်ထားတယ်။ အဘွား ကြီးကတော့ အိမ်ရှေ့လာတဲ့ဈေးသည် တွေဆီက ဟင်းသီးဟင်းရွက် အသား အစရှိသဖြင့် စိတ်ကူးတည့်ရာဝယ် တယ်။ ဝယ်ပြီးရင်တော့ လိုက်ဖက် မယ့် ဟင်းများ စဉ်းစားပြီး ဟင်းချက် တော့တယ်။

အဘိုးကြီးနဲ့ အဘွားကြီး တူတာ က တစ်ပတ်တစ်ခါဆီးချိုစစ်ကြတယ်။ ဆီးချိုရဲ့အဖြေအရ စကားစမြည် ပြောကြတာပေါ့။ အဘိုးကြီးရော အဘွားကြီးရော ထမင်းကတော့တော် ရုံသင့်ရုံပါ။ လမ်းများများလျှောက် ကြတယ်။ အဘိုးကြီးက အိမ်ထဲက အိမ်ပြင်ကို သိပ်မထွက်ဘဲ အိမ်ထဲမှာ ပဲ လှည့်ပတ်လျှောက်တယ်။ အဘွား ကြီးကတော့ ခေတ်မီတယ်။ ကျန်းမာ ရေးသင်တန်းတွေ တက်တယ်။ ကိုရီး ယားစက်နဲ့ အကြောအချဉ်ပြေအောင် အနှိပ်ခံတတ်တယ်။ အဘိုးကြီးက ထမင်းစားသောက်ပြီးရင် သူ့အခန်း ထဲပြန်ဝင်တယ်။ စာတွေ ဖတ်တယ်။ ကဗျာရေးတယ်။ အက်ဆေးရေး တယ်။ ဖတ်စရာတွေက များတယ်။ ကဗျာဆိုင်ရာ ဆောင်းပါးတွေရော ဘာသာရေးဆိုင်ရာ ဆောင်းပါးတွေ ပါ တွေ့သမျှ အကုန်ဖတ်နေတော့ ဖတ်ပြီးရင်း ဖတ်ရင်းပေါ့။ ရေးဖြစ် တာတွေကို ကိုယ့်ဘာသာပို့တာလည်း ရှိတယ်။ မိတ်ဆွေကဗျာဆရာတွေ ပို့ပေးတာလည်း ရှိတယ်။

အဘွားကြီးကတော့ အဘိုးကြီး နဲ့ ဘာသာရေးဆိုင်ရာမှာလည်း မတူ ပြန်ဘူး။ သူက အဘိဓမ္မာသင်တန်း တွေ တက်တယ်။ မြို့ထဲက ဘုရား တစ်ဆူဝန်းထဲမှာ သင်တဲ့သင်တန်း လည်းတက်တယ်။ ၆၂ လမ်း ဘုန်း ကြီးကျောင်းတစ်ကျောင်းမှာ သင်တဲ့ သင်တန်းလည်း တက်တယ်။ အဘိုး ကြီးနဲ့ အဘွားကြီးဧည့်ခန်းမှာ ထိုင် ရင် ဘာသံမှမကြားရဘူး။ စာအုပ် ကိုယ်စီနဲ့။ အဘွားကြီးကတော့ အဘိ ဓမ္မာဆိုင်ရာတွေအလွတ်ကျက်နေ လေရဲ့။စာမေးပွဲဖြေမလို့ဆိုလား။အဘိုးကြီးကတော့ဗလာစာအုပ်တစ် အုပ် အနားမှာအမြဲချထားတယ်။ ကမ်းစပ်မှာ ငါးရှာတဲ့ ဗျိုင်းလိုပဲ။ စဉ်း စားလို့ရတာ၊ တွေးလို့ရတာ၊ ခံစား လို့ရတာတွေကို မလွတ်တမ်း အာရုံ ဝင်စားနေသလိုပဲ။ အဲဒီအနေအထား လေးပျက်သွားတဲ့အခါကတော့ သား နဲ့သမီးတွေဆီက ဖုန်းလာတဲ့အချိန် ပဲ။ ဖုန်းလာရင်တော့ စာအုပ်တွေ ချ၊ စာဖတ်တာတွေ စာရေးတာတွေ ခဏရပ်၊ ဖုန်းသံကို နားစွင့်နေတော့ တယ်။

အဘိုးကြီးရဲ့ တစ်နေ့ မပျက် အကျင့်တစ်ခုလည်း ရှိတယ်။ မနက် ၁ဝ နာရီလောက်ဆို လမ်းထိပ် ထွက် သွားပြီး လိုအပ်တဲ့ဆေးတွေ ဆေး ဆိုင်က ဝယ်တယ်။ ဆေးဆိုင်က ဂျာ နယ်ပါရောင်းတော့ ဂျာနယ်တွေ တစ်စောင်ပြီး တစ်စောင်ဖတ်တော့ တာပဲ။ ဆိုင်ကလည်း သဘောကောင်း တယ်။ အဘိုးကြီးကို ခုံလေးတစ်လုံး ချပေးတယ်။ အဲဒီအချိန်မှာတော့ အဘွားကြီး ထမင်းချက်ပြီးပြီ။ ဟင်း ချက်ပြီးပြီ။ ရေမိုးချိုးတဲ့အလုပ်လုပ်ပြီး ပြီ။ အဘိုးကြီးက ဂျာနယ်ဖတ်ပြီးရင် လည်း အိမ်တန်းမပြန်သေးဘူး။ လက်ဖက်ရည်ဆိုင် ထိုင်သေးတယ်။ အဲဒီအချိန် လက်ဖက်ရည်ဆိုင်မှာ ကဗျာဆရာတွေ ဆုံတတ်လေ့ရှိတယ်။ ကဗျာဆရာများနဲ့ စကားစမြည်ပြော ပြီးရင်တော့ ခွေးနဲ့ကြောင်ဖို့ အစာ သွားဝယ်တယ်။ အိမ်ပြန်ရောက်ရင် ခွေးနဲ့ ကြောင်ကို အရင်ကျွေးတယ်။ ပြီး မှ ရေမိုးချိုးတယ်။ ထမင်းစားမယ် လုပ်တော့ အဘွားကြီးက ထမင်းစား ပြီးပြီ။ စားပွဲပေါ်ကအုပ်ဆောင်းထဲမှာ ဟင်းတွေ အကုန်ရှိသတဲ့။ ချက်ပေး မယ့် အဘွားကြီးကလည်း ချက်တဲ့ ဟင်းတွေ မေ့နေပြီ။ အဘိုးကြီးလည်း ခူးခပ်ကျွေးစေချင်ပေမယ့် ဆရာ အောင်သင်းစကားနဲ့ ပြောရမယ်ဆို ရင်တော့ တဖြည်းဖြည်း မီးဖိုချောင် အပိုင်စား ရလာတာဆိုတော့ ဘာရ မလဲ။ ကိုယ့်ဘာသာကိုယ်ပဲ ရှာဖွေ စားလိုက်တာပါပဲ။

ထမင်းစားပြီးရင် စာအုပ်ကိုယ် စီပြန်ကိုင်ကြပြန်ရော။ အဘွားကြီးက အဘိဓမ္မာစာအုပ်တွေနဲ့၊ အဘိုးကြီး က ကဗျာစာအုပ်တွေနဲ့။ အဘွားကြီး က တစ်ခါတစ်ခါတော့ “မငယ်တော့ ဘူး။ ကဗျာတွေပဲ ရေးမနေနဲ့တော့” လို့ ပြောတတ်တယ်။ အဘိုးကြီးက “ငါ့မှာ သိပ်အလုပ်မရှိတော့ပါဘူး ကွာ။ စာဖတ်မယ်။ စာရေးမယ်။ အချိန်ရရင် တရားလေး ဘာလေး မှတ်မယ်ပေါ့ကွာ”လို့ လေပြေလေးနဲ့ ပြောတတ်တယ်။ အေးလေ။ အိမ် ထောင်သက်လည်း လေးဆယ်ကျော် ပြီ။ အဘွားကြီးနဲ့မတူတာက အခုမှ မဟုတ်ဘဲ။ ဟိုးအိမ်ထောင်ကျစအခါ ကတည်းကပဲလို့ တွေးမိပြီး အဘိုးကြီး ဟာ ပြုံးနေလေရဲ့။ အဘိုးကြီးရဲ့ အပြုံးကို အဘိုးကြီးတစ်ယောက် ကလွဲလို့ ဘယ်သူမှ သိမှာ မဟုတ် လောက်ပါဘူး။

မောင်ကြည်သာ (တောင်တွင်း)

Comments (0)

Leave a reply

Your email address will not be published. Required fields are marked *

*