နယ် ပရိသတ်တွေကို ကိုယ်ပိုင်သီချင်းတွေနဲ့ ဖျော်ဖြေချင်လို့ အခွေထုတ်လိုက်တဲ့ လမင်းကဗျာ

နယ် ပရိသတ်တွေကို ကိုယ်ပိုင်သီချင်းတွေနဲ့ ဖျော်ဖြေချင်လို့ အခွေထုတ်လိုက်တဲ့ လမင်းကဗျာ
February 19, 2018 AsianFame MediaGroup
နယ် ပရိသတ်တွေကို ကိုယ်ပိုင်သီချင်းတွေနဲ့ ဖျော်ဖြေချင်လို့ အခွေထုတ်လိုက်တဲ့ လမင်းကဗျာ

သရုပ်ဆောင် လမင်းကဗျာက သူမရဲ့ ‘ဝီစကီ’လို့အမည်ရတဲ့ တေးစီးရီးကို ပရိသတ်အတွက် ဖေဖော်ဝါရီ လမှာထုတ်ခဲ့ပါတယ်။ အဆိုပါ အခွေထုတ်လုပ်မှု အပိုင်းနဲ့ပတ်သက်တဲ့အကြောင်းကိုတော့ လမင်းကဗျာက အခုလို ပြောပြခဲ့ပါတယ်။

”ဒီအခွေက စီစဉ်ထားတာ တစ်နှစ်လောက်ရှိပြီ။ သီချင်းပုံစံအမျိုးစုံပါပဲ။ သီချင်းခေါင်းစဉ်ကို ‘ဝီစကီ’ လို့ ပေးဖြစ်တာကလည်း လမင်း ဒီလထဲမှာ ဝီစကီဆိုင်ဖွင့်ထားတယ်။ ပရိသတ်လည်း နားစွဲစေလိုတဲ့အတွက် ပေးဖြစ် တာပါ။ ကိုယ်ကတော့ပိုက်ဆံအကုန်အကျခံပြီး ထုတ်ထားတဲ့အတွက် အကောင်းဆုံးတော့ မျှော်လင့်ထားတယ်။ ဒါပေမဲ့ ကိုယ့်ကိုယ်ကိုယ် အားမရတဲ့အပိုင်းတွေတော့ရှိတယ်။mtv ထုတ်ရင် အသံပြန်သွင်းဖို့ရှိတယ်။ ဒီအခွေမှာ သီချင်း ၁ဝ ပုဒ်ပါတယ်။ ဖေဖော်ဝါရီ လ ၁၈ ရက်နေ့မှာ ထွက်ပါမယ်” လို့ ပြောပါတယ်။

တချို့သရုပ်ဆောင်အတော်များများက အခုတလောမှာ သီချင်းစဆိုတဲ့အလုပ်ကိုလည်း လုပ်လာကြတာ ကိုတွေ့ရပါတယ်။ လမင်းကဗျာအနေနဲ့လည်း သရုပ်ဆောင် အလုပ်အပြင် အဆိုပိုင်းကို လုပ်လာရတဲ့အကြောင်း ကိုတော့ ”လမင်းသီချင်းဆိုဖြစ်စေတဲ့ အဓိကအကြောင်းရင်းက လမင်းတို့ ဇာတ်လမ်းရိုက်ကူးရတာလည်း နည်းလာတယ်။ ဒီတော့နယ်တွေမှာ သီချင်းလိုက်ဆိုဖြစ်တယ်။ သီချင်းဆိုတဲ့အခါမှာလည်း သူများသီချင်းတွေဆိုပြီး ပရိသတ်ဆီက ငွေယူရတာ အားနာလာတယ်။ ဒါကြောင့်လမင်းရဲ့ကိုယ်ပိုင်သီချင်းလေးတွေနဲ့လည်း ဖျော်ဖြေချင်လို့ ဒီအခွေကိုထုတ်တယ်။ ပြီးတော့ လမင်းတို့ရဲ့ ဇာတ်ပို့ဇာတ်ရံဘဝကိုလည်း စိတ်ကုန်လာတယ်။အနုပညာအလုပ်က ကိုယ်ဘဝအတွက်အာမခံချက်မရှိဘူး။ အနုပညာကို စော်ကားတာတော့မဟုတ်ပါဘူး။ ဒီအနုပညာကြောင့်ပဲ လမင်းကဗျာ ဆိုပြီးဖြစ်လာတယ်။ အခုခေတ်က အရင်ခေတ်နဲ့ မတူတော့ဘူး။ ဇာတ်ပို့ဇာတ်ရံတွေက ကိုယ်လူနဲ့ကိုယ် သွားကြတယ်။ လမင်းတို့ဆို မင်းသား၊ မင်းသမီးက လမင်းကို ခေါ်လိုက်ပါလားဆိုမှ ရိုက်ရ တယ်။ ဒါကြောင့် အဆိုပိုင်းကိုလည်း အားထားလာတယ်။ ပြီးတော့ ဒီနှစ်ထဲမှာ စီးပွားရေးတွေလည်းလုပ်ဖြစ်နေတယ်”လို့လမင်းကဗျာဆိုပါတယ်။

ချယ်ရီ

Comments (0)

Leave a reply

Your email address will not be published. Required fields are marked *

*