အဆိုတော်တစ်ယောက်ဖြစ်လာအောင် ပခုံးထမ်းတင်ပေးခဲ့သူများအား G.Fatt ဖော်ထုတ်

အဆိုတော်တစ်ယောက်ဖြစ်လာအောင် ပခုံးထမ်းတင်ပေးခဲ့သူများအား G.Fatt ဖော်ထုတ်
January 8, 2018 AsianFame MediaGroup
အဆိုတော်တစ်ယောက်ဖြစ်လာအောင် ပခုံးထမ်းတင်ပေးခဲ့သူများအား G.Fatt ဖော်ထုတ်

အဆိုတော်ဖြစ်ပြီးကတည်းက နှစ်စဉ် ဒီဇင်ဘာလ ၃၁ရက်နေ့မှာ မွေးနေ့ပွဲပြုလုပ်လေ့ရှိတဲ့ ဟစ်ဟော့ပ် အဆိုတော် G.Fatt က ဒီနှစ်မှာလည်း ရန်ကုန် Water Boom မှာ ပရိသတ်တွေနဲ့အတူ မွေးနေ့ပွဲပြုလုပ်ခဲ့ပါတယ်။ မွေးနေ့မှာ သီချင်းတစ်ပုဒ်ကို လက်ဆောင်ပေးခဲ့တဲ့ G.Fatt ရဲ့ သီချင်းနာမည်က ‘မြတ်သူပြောတဲ့ G.Fatt အကြောင်း’ပါတဲ့။

”သီချင်းကတော့ ဒီလိုပါ။ မွေးနေ့မှာ Surprise လုပ်မယ်ပေါ့နော်။ တခြားနယ်အဝေးကလူတွေကလည်း မွေးနေ့ကို နှစ်တိုင်း မလာနိုင်ဘူး။ ရန်ကုန်ကလူတွေတောင် နှစ်တိုင်းမလာနိုင်ကြဘူးလေ။ အဲဒီလူတွေအတွက်ပါ မွေးနေ့မှာ အမှတ်တရဖြစ်အောင် ကျွန်တော်ကပြောတဲ့ G.Fatt အကြောင်းပေါ့နော်။ ကျွန်တော်သာမန်လူတစ်ယောက်ကနေပြီး G.Fatt ကို ဝေဖန်တဲ့ ပုံစံမျိုးပါ။ အဲဒီအပုဒ်လေးကို ကျွန်တော့်အခွေအတွက် ရေးထားတာပေါ့နော်။ အဲဒီအပုဒ်လေးကို ကျွန်တော် အလွန်တန်ဖိုးထားပါတယ်။ ဒါပေမဲ့ အဲဒီအပုဒ်ကို ကျွန်တော့်မွေးနေ့မှာ နားထောင်ခွင့်ရအောင် တမင်ချပြ လိုက်တာပါ။ ဒီသီချင်းနားထောင်ပြီးတော့ ကျွန်တော့်ပရိသတ်တွေအကုန်လုံး အမှတ်တရဖြစ်မယ်လို့ထင်ပါတယ်” လို့ သူ့ရဲ့သီချင်းအသစ်နဲ့ပတ်သက်ပြီး G.Fatt ကပြောပြပါတယ်။

မွေးနေ့မှာ G.Fatt ရဲ့ မိဘနှစ်ပါးရယ်၊ အစ်မဖြစ်သူ ရယ်လည်း ရောက်လာတာကြောင့် သူတို့နဲ့ပတ်သက်တဲ့ အမှတ်တရတွေကိုလည်းမေးဖြစ်တဲ့အခါ…

”အဖေနဲ့ အမေကို ကျေးဇူး တင်ပါတယ်။ တကယ်ကျေးဇူးတင်ပါတယ်။ အမေတစ်လှည့်၊ အဖေတစ်လှည့်နဲ့ G.Fatt ရယ်လို့ဖြစ်လာအောင် သူတို့ ပခုံးထမ်းခဲ့ရတာပေါ့လေ။ အဖေမပြေလည်တဲ့အချိန်မှာ အမေက မိသားစုစီးပွားရေးကို ထိန်းသလို အဖေ အလုပ်မလုပ်နိုင်တော့တဲ့အချိန်မှာလည်း အမေနဲ့အစ်မက မိသားစုစီးပွားရေးကို ထိန်းတယ်။ ဒီကဏ္ဍမှာထည့်ပြောရ မယ်ဆိုရင်တောင် ကျွန်တော့်အစ်မကို လုံးဝချန်ထားလို့ မရပါဘူး။ အဲဒီအတွက် အဖေရော၊ အမေရော၊ ကျွန်တော့် အစ်မရော၊ ကျွန်တော် သိပ်ပြီးတော့ကျေးဇူးတင်ပါတယ်။ ကျွန်တော့်ကို G.Fatt လို့ ဖြစ်လာစေတဲ့အထဲမှာ သူတို့က Percentage အများဆုံးပါ” လို့ G.Fatt ကပြောပြခဲ့ပါတယ်။

မျိုးမောင်၊

ဓာတ်ပုံ-ဇော်ဝင်းအောင်

 

Comments (0)

Leave a reply

Your email address will not be published. Required fields are marked *

*