ချင်းတွင်းမြစ်အတွင်း ဓာတုအဆိပ် မည်မျှပါဝင်နေသည်ကို စိမ်းလန်းအမိမြေ ဖွံ့ဖြိုးတိုးတက်ရေးအသင်းက ၄နှစ်ကြာ စမ်းသပ်တိုင်းတာမှုစတင်

ချင်းတွင်းမြစ်အတွင်း ဓာတုအဆိပ် မည်မျှပါဝင်နေသည်ကို စိမ်းလန်းအမိမြေ ဖွံ့ဖြိုးတိုးတက်ရေးအသင်းက ၄နှစ်ကြာ စမ်းသပ်တိုင်းတာမှုစတင်
November 14, 2017 Asian Fame
ချင်းတွင်းမြစ်အတွင်း ဓာတုအဆိပ် မည်မျှပါဝင်နေသည်ကို စိမ်းလန်းအမိမြေ ဖွံ့ဖြိုးတိုးတက်ရေးအသင်းက ၄နှစ်ကြာ စမ်းသပ်တိုင်းတာမှုစတင်

အင်္ဂလန်နိုင်ငံ ကိမ်းဗရစ်ခ်ျတက္ကသိုလ်နှင့် အောက်စဖို့ တက္ကသိုလ် ၂ ခုနှင့် စိမ်းလန်းအမိ မြေဖွံ့ဖြိုးတိုးတက်ရေးအသင်းတို့ ပူးပေါင်း၍ဘူမိဗေဒ ကြေကွဲမှုဖြစ်စဉ်ကြောင့် ချင်းတွင်းမြစ်အတွင်း ဓာတုအဆိပ်မည်မျှ ပါဝင်နေသည်ကို စမ်းသပ်စစ်ဆေးမှုများကို(၄)နှစ်တာ ဆောင်ရွက်မည့် အစီအစဉ်ကို စတင်နေပြီဖြစ်ကြောင်း စိမ်း လန်းအမိမြေ ဖွံ့ဖြိုးတိုးတက်ရေးအသင်း ဥက္ကဌ ဦးဝင်းမျိုးသူ ထံမှသိရသည်။

”အင်္ဂလန်နိုင်ငံတက္ကသိုလ်၂ခုက ဟိမဝန္တာ တောင်တန်းတွေမှာ ဖြစ်တဲ့ ဘူမိဗေဒဖြစ်စဉ်တွေလူတွေကြောင့်ဖြစ်စဉ် သဘာဝဖြစ်စဉ်စတဲ့ ဘူမိဗေဒ ကြေမွမှုဖြစ်စဉ်တွေက ဘယ်လောက်ထိ ဓာတုအဆိပ်တွေ အနေနဲ့ လူတွေသုံးနေတဲ့ မြစ်တွေချောင်းတွေထဲ ပါဝင်နေပြီလဲဆိုတာ ကိုစမ်းသပ်မှာပါ။ ကိမ်းဗရစ် ယူနီဗာစီတီကတော့ ဒါကိုကြည့်ပြီးတော့ ရာသီဥတုပြောင်းလဲတာနဲ့ ဆက်စပ်ပြီး ဘူမိဗေဒဖြစ်စဉ်ကို သုံးသပ် ဆွေးနွေးမှာ ဖြစ်သလိုအောက်စဖို့ဒ် ယူနီဗာစီတီကတော့ လက်ရှိအနေ အထားမှာ မြစ်တွေထဲမှာဘယ် လောက်အထိလူတွေရဲ့ ကျန်းမာရေးကို ထိခိုက်စေတဲ့ ဓာတုအဆိပ်တွေ ရှိနေပြီလဲဆိုတာကို ဖော်ထုတ်ဖို့ဖြစ်ပါ တယ်” ဟုပြောပြသည်။

စိမ်းလန်းအမိမြေ ဖွံ့ဖြိုးတိုးတက်ရေးအသင်းအနေဖြင့် ဓါတ်ခွဲ ခန်းရှိသည့်အတွက် ယူနီဗာစတီ၂ခုက လုပ်မည့် အလုပ်ကိုပူးပေါင်း ပါဝင်ဆောင်ရွက်မည် ဖြစ်သလို စစ်ကိုင်းတိုင်းဒေသကြီးအတွင်းမှ ချိတ်ဆက်ထားသောအရပ်ဖက် အဖွဲ့အစည်းများနှင့် ၄နှစ်လုံးလုံး မြစ်ရေအခြေအနေကို စမ်းသပ်သွားမည်ဖြစ်ကြောင်း သိရသည်။ အစီအစဉ်အနေဖြင့် သတ်မှတ်ထားသည့် နေရာတွင် ၃လတစ်ကြိမ် ရေနမူနာကို ကောက်ယူမည်ဖြစ်ပြီး ကောက်ပြီးလျှင် စိမ်းလန်းအမိမြေ ဖွံ့ဖြိုးတိုးတက်ရေးအသင်း၏ ပတ်ဝန်းကျင်ရေးရာ ဓါတ်ခွဲခန်းတွင် စမ်းမည်ဖြစ်သည်။ ဥပမာ ဟုမ္မလင်းအောက်ရေနှင့် ဟုမ္မလင်း အထက်ရေအဖြစ် ပုံမှန်သတ်မှတ်ထားသည့်နေရာတွင် ရေနမုနာကို ကောက်ယူပြီး ဓါတ်ခွဲခန်းတွင် စစ်ဆေးမည်ဖြစ်သလို အောက်စဖို့ဒ် ယူနီဗာစတီကိုလည်း ပေးပို့စမ်းသပ် စစ်ဆေးသွားမည်ဖြစ်ကြောင်း သိရသည်။

”အဓိက ကျွန်တော်တို့ သိချင်တဲ့အချက်ကမြစ်တွေရဲ့ ညစ် ညမ်းမှုကိုသာမက ကျွန်တော်တို့ဓါတ်ခွဲခန်းကလည်း ဘယ်လောက်ထိ စံချိန်မီစမ်းသပ် နိုင်တယ်ဆိုတာကို အောက်စဖို့ဒ် ယူနီဗာစတီက ရလာဒ်တွေကို နှိုင်းယှဉ်ပြီးတော့ အခြေအနေကို မြှင့်တင်သွားဖို့ပါ။ လက်ရှိ အခြေအနေအရ ပတ်ဝန်းကျင် ရေးရာပြဿနာ တက်နေ ချိန်မှာ သဘာဝပါတ်ဝန်းကျင်ဆိုင်ရာ ဓါတ်ခွဲခန်းတွေကရော ဘယ် လောက်ယုံကြည်ရလဲဆိုတဲ့ မေးခွန်းကရှိလာတဲ့အတွက်ပါ”ဟု ဦးဝင်း မျိုးသူက ရှင်းပြသည်။

ထို့အပြင် အချို့နေရာများတွင် ပတ်ဝန်းကျင်အရ အရေးကြီးသည့် နေရာများတွင်လည်း တိုင်းတာရန်ရှိပြီး သဘာဝဘူမိ ဖြစ်စဉ်အရ ကြေမွဖြစ်စဉ်အရ ထွက်လာသည့်အာဆင်း နစ်ဟု ခေါ်သော စိန်ဓါတ်ပြဿနာသည် ကျန်းမာရေးဆိုင်ရာ ပြဿနာများ၊ ဦးနှောက်ပိုင်းဆိုင်ရာ အူလမ်းကြောင်းဆိုင်ရာ ပြဿနာများရှိရာ အာဆင်းနစ်သည် မြန်မာပြည်မှ ထွက်သည့်စပါးများတွင် အာဆင်းနစ် များတွေ့သည်ဆိုပြီး ပြည်ပက ငြင်းပယ်ခြင်းများ ရှိလာကြောင်း သိရသည်။ စပါးစိုက်သည့်ရေမှတစ်ဆင့် စပါးထဲသို့ရောက်သွားပြီး သီးလာ သည့်စပါးမှာ အာဆင်းနစ်ပါလာခြင်းဖြစ်ရာ နိုင်ငံ၏ကျန်းမာရေးကဏ္ဍ ပို့ကုန်ကဏ္ဍကိုပါ ပြဿနာ ရှိလာနေသောကြောင့် အာဆင်းနစ် အနေ အထားကို လေ့လာရာတွင် စမ်းသပ်စစ် ဆေးခြင်းမှာ အရေးပါသည့် အတွက် စပါးလည်း ဓာတ်ခွဲ ဆန်းစစ်ရန် စီစဉ်နေကြောင်း သိရသည်။

”စစ်ကိုင်းတိုင်းမှာ အကြီးဆုံးဖြစ်တဲ့ သဖန်းဆိပ်ထဲကိုဝင်တဲ့ ချောင်းတွေထဲမှာ ဘယ်လောက် အာဆင်းနစ်တွေရှိနေပြီလဲ ဆိုတာရယ် သဖန်းဆိပ်က ထွက်သွားတဲ့ရေမှာရော အာဆင်းနစ်လယ်ဗယ် ဘယ် လောက်ရှိလဲ ဆိုတာကို ကောက်ယူစစ်ဆေးဖို့ စဉ်းစားနေပါတယ်။ သတ် မှတ်တဲ့နေရာမှာ အချိန်မှန်အ မှန်တကယ်တိုင်းတာဖို့တော့ လိုပါတယ်။ အမှန်တကယ် သစ္စာရှိရှိပူးပေါင်းဆောင်ရွက်မယ့် သူတော့လိုပါတယ်။ လေ့ကျင့်ထားတဲ့ လူနဲ့လုပ်မှအဆင်ပြေမှာပါ။ အကြောင်းအမျိုးမျိုးကြောင့် ဓာတုအဆိပ်တွေ ရေတွေ ပါနေပြီလဲဆိုတာ ကိုသိပ္ပံနည်းကျ စမ်း သပ်ဖို့လိုတဲ့အတွက် မကြာခင် မူးမြစ်ဝှမ်းဒေသဖြစ်တဲ့ သဖန်းဆိပ်ဒေသကို ဦးတည်ဆောင်ရွက် သွားမှာဖြစ်ပါတယ်”ဟု ဦးဝင်းမျိုးသူက ဖြည့်စွက် ပြောကြားသည်။

လှိုင်ဝင်းကို(မုံရွာ)

Comments (0)

Leave a reply

Your email address will not be published. Required fields are marked *

*