ကိုယ်ပိုင်စီးပွားရေးလုပ်ဖို့ စဉ်းစားနေတဲ့ ၀ိုင်းစုခိုင်သိန်း

ကိုယ်ပိုင်စီးပွားရေးလုပ်ဖို့ စဉ်းစားနေတဲ့ ၀ိုင်းစုခိုင်သိန်း
October 2, 2017 Leanne Win
ကိုယ်ပိုင်စီးပွားရေးလုပ်ဖို့ စဉ်းစားနေတဲ့ ၀ိုင်းစုခိုင်သိန်း

အဆိုတော် ဝိုင်းစုခိုင်သိန်းက ဒီဇင်ဘာလ ၂၄ ရက်နေ့မှာ ကျ ရောက်မယ့် သူမရဲ့မွေးနေ့ အမှတ်တရအဖြစ် တစ်ကိုယ်တော် ဖျော်ဖြေ ပွဲ ပြုလုပ်သွားမယ်လို့ သိရပါတယ်။ အောင်လကလည်း ဝိုင်းစုခိုင်သိန်းကို ပါဝင်အားဖြည့်တဲ့ အနေနဲ့ဖျော်ဖြေပွဲမှာပါဝင်သီဆိုဖျော်ဖြေသွားဦးမှာဖြစ်ပါ တယ်။ တစ်ကိုယ်တော် ဖျော်ဖြေပွဲအတွက် ဝိုင်းစုခိုင်သိန်းရဲ့ ထူးထူးခြားခြား ပြင်ဆင်မှု တွေကတော့ …

ဒအခုအချိန်မှာဝိုင်းစုပွဲအတွက်သီဆိုဖို့သီချင်းတွေရွေးနေပါပြီ။ အကတွေ၊ Performance ပိုင်း ထပ်ဖြည့်ဖို့ လိုပါသေးတယ်။ ဝိုင်းစုက One Lady Show ဆိုရင် တ အား အားထည့်ပြီး ပြင်ဆင်တာ ပရိသတ်တွေသိပါတယ်။ ဒီတစ် ခေါက်လည်း ဝိုင်းစုအများကြီး အားထည့်ပြီး ကြိုးစားနေပါတယ်။ Birthday Show လည်းဖြစ်တဲ့အတွက် ပရိသတ်တွေနဲ့ ကိတ်ခွဲမယ်။ တခြားပရိုဂရမ်လေးတွေလည်းထည့်ထားတယ်။ ကိုအောင်လက လည်း ဘယ်အရာမဆို ဝိုင်းစုကိုကူညီပါတယ်။ ဒီပွဲမှာလည်း သူနဲ့စုံတွဲ သီဆိုဖို့များတယ်။ တခြားသီချင်းတွေလည်း Arrengement ပြောင်းဖို့ကို သူက ကူညီပေးတယ်။ ကိုအောင်လနဲ့လည်း ဆိုဖြစ်ရင် စုံတွဲတစ်ပုဒ်ဆိုမှာပါ။ ဝိုင်းစုကို စောင့်မျှော်နေတဲ့ ပရိသတ်တွေအတွက်လည်း အခမ်းအနားဆုံးဖြစ် အောင်တင် ဆက်မှာပါ” လို့ ဝိုင်းစုခိုင်သိန်းက ပြောပြပါတယ်။

ဝိုင်းစုခိုင်သိန်းက လတ်တလောမှာတော့ မိခင်ဖြစ်သူရဲ့ အမည် နဲ့ ” May Collection”အမှတ်တံဆိပ် T – Shirt များကို ထုတ်လုပ်လျက် ရှိပါတယ်။ ကိုယ်တိုင်ကလည်း စီးပွားရေးလုပ်ငန်းတစ်ခုလုပ်ဖို့ ရည်ရွယ်ထားတယ် ဆိုတဲ့ ဝိုင်းစု ခိုင် သိန်းရဲ့ Bussiness Plan ကတော့…

“အစကတော့ ဝိုင်းစု ကိုယ်တိုင် စီပွားရေး လုပ်မလို့ပါပဲ။ ဒီဘက်က ဝိုင်းစုရဲ့ အလုပ်လေးတွေနဲ့ မပြတ် သေးတာကြောင့်ပါ။ ဒါကြောင့် အမေကြီးရဲ့ ” May Collection” ဆိုတဲ့နာမည်နဲ့ပွှဲ T-shirt ဒီဇိုင်းလေး တွေ ထုတ်ဖြစ်တယ်။ တခြား ပစ္စည်းလေးတွေ ထုတ်ဖို့လည်း ကြိုးစားနေ ပါတယ်။ ဝိုင်းစုကိုယ်တိုင်လည်း စီးပွား ရေးလုပ်ဖို့ စဉ်းစားထားတာ တွေ အများကြီးပါပဲ။ အကောင်း အထည် ဖော်ဖြစ်ဖို့တော့ နောက်ထပ် ၂ နှစ်လောက် လိုပါဦးမယ်။ အစက လည်း T-Shirt ရယ် မဟုတ်ဘဲ ဝိုင်းစုရဲ့ ကိုယ်ပိုင် Brand တစ်ခုအနေနဲ့ ထုတ်ဖို့ လုပ်ထားတာပါ။ ဝိုင်းစု ကိုယ်တိုင် မလုပ်ဖြစ်သေးတာကြောင့် အမေကြီးအနေနဲ့ပဲလုပ်ဖြစ်ခဲ့တာပါ။T-Shirt ဒီဇိုင်း တွေက လောလောဆယ်တော့ အဆက်မပြတ်ထုတ်နေပါတယ်” လို့ ဝိုင်းစုခိုင်းက ပြောပြပါတယ်။

မျိုးမောင်

ဓာတ်ပုံ-မင်းမင်းထွန်း

Comments (0)

Leave a reply

Your email address will not be published. Required fields are marked *

*