ငယ်ဘ၀ စာအုပ်ထဲက အလွမ်းစာမျက်နှာ

ငယ်ဘ၀ စာအုပ်ထဲက အလွမ်းစာမျက်နှာ
September 4, 2017 Leanne Win
ငယ်ဘ၀ စာအုပ်ထဲက အလွမ်းစာမျက်နှာ

b

အိမ် ပေါ်ထပ် အဝတ်အစား ထည့်တဲ့ ဘီရိုကြီးနှစ်လုံးပေါ်မှာ အဖေ့စာအုပ်ပုံကြီး ရှိပါတယ်။ နယ်မှာဆိုတော့ ကားလမ်းမနံဘေးက ပျဉ်ထောင်အိမ်အပေါ်ထပ်တွေရဲ့ အကျင့်အတိုင်း ဖုန်တွေကတော့ တက်နေတတ်၊ အမြဲရှိနေတတ်တယ်။ အဲဒီလို ဖုန်တွေတက်နေတဲ့ ကြားက ပဲ ကျွန်တော်တို့ငယ်ငယ်တုန်းက တော့ အားလပ်ရက်တွေ အိမ်ထဲ ဘာ မှလုပ်စရာမရှိဘူးဆို သွပ်နဲ့နီးတဲ့ အိမ်ပေါ်ထပ် ပူလောင်လောင်မှာ ချွေးတလုံးလုံးနဲ့ စာအုပ်ပုံတက်ဖွနေတတ်ပါတယ်။ အမေကတော့ စာအုပ်ပုံကြီးကို ဘယ်တော့မှ စိတ် မဝင်စား၊ ဖုန်တက်ခံ သိမ်းထားတဲ့ အဖေ့ကို အမြဲအပြစ်ပြောတတ်ပေ မယ့် တစ်ခါမှတော့ ဖုန်အထပ်ထပ်တက်နေတယ်ဆိုတာ မဖြစ်ဘဲ အပေါ်ထပ် တံမြက်စီးလှည်းတဲ့ အခါတိုင်း စီစီရီရီဖြစ်အောင်လုပ်ပေးထားလေ့ရှိပါတယ်။

စာအုပ်အသစ်လည်း ထပ်မတင်တော့သလို ရှိပြီးသား စာအုပ်ခေါင်းစီးတွေကိုလည်း အလွတ်ရနေ သလောက် နယ်မြို့လေးထဲ ငှားနေကျ ရီမောင် စာအုပ်အငှားဆိုင် သေးသေးလေးက ကာတွန်းစာအုပ်တွေ ကုန်သလောက်ရှိသွားတဲ့အခါ အိမ်အပေါ်ထပ်ဘီရိုပေါ်က စာအုပ်တွေထဲ ကလေးဖတ်လို့ရတဲ့ ကာတွန်း ပုံတွေ ရုပ်ပုံတွေပါတာ ရှာဖတ်ရ တော့တယ်။ အဲဒီတုန်းက နယ်မှာ စာအုပ်အငှားဆိုင်တွေ အတော်အသင့်ရှိနေသေးပေမယ့် အိမ်နဲ့ နီးတဲ့အငှားဆိုင်ကလူတွေ တခြား တစ်မြို့ကို ပြောင်းသွား၊ ကိုယ်လည်း နောက်အငှားဆိုင်တစ်ဆိုင်မငှား ဖြစ်သေးခင်စပ်ကြားမှာ အိမ်အပေါ်ထပ် စာအုပ်ပုံဟာ ဝါးပေါင်းကွပ်တဲ့ကာ လမှာ အာဟာရတွေ ပေးခဲ့ဖူးတာ ပေါ့။ ကလေးဘဝ ဖတ်စရာဆိုလို့ အဖေ့စာအုပ်ပုံထဲ တင်အောင်နီရဲ့ ကိုပြာလောင် ကာတွန်းတွေ၊ စံရွှေမြင့် တစ်မတ်တန်စာအုပ်၊တစ်ကျပ်တန်စာအုပ်တွေထဲ အဖေစုထားသမျှ ကလေးဖတ်လို့ရသမျှ စာအုပ်အကုန် ဆွဲထုတ်၊ အိမ်ပေါ်ထပ် ပူလောင်လောင်မှာ ချွေးထုတ်ဖတ်နေဖြစ်တော့တာ၊ နယ်က ကလေးအတွက် အခုခေတ်နွေရာသီ သင်တန်းလိုပဲ။

နောက်အရွယ်နည်းနည်း ကြီးလာတဲ့အခါ၊ မြို့ထဲက စာအုပ်ဆိုင်တကာလှည့်ပြီး ဖတ်ချင်တဲ့ စာအုပ်တွေ ငှားဖတ်ဖြစ်လာတော့ တာပဲ။ အဲဒီထဲကမှ စာအုပ်လည်း ပိုစုံ၊ အသစ်မှန်သမျှလည်း အကုန်တင်တဲ့ စာအုပ်ဆိုင်ကို ပိုရွေးချယ်ဖြစ် အမြဲငှားဖတ်ဖြစ်တယ်။ အဲဒီ တုန်းကတော့ ကလေးတွေအတွက် လစဉ်ပုံမှန်ထွက်နေကျ ရုပ်ပြစာအုပ်တွေအများကြီး ရှိပါသေးတယ်။ ရုပ်ပြစာအုပ်တွေက အခုထက်ပိုစုံ အခုထက် အရေအတွက်များပြီး အပတ်စဉ် လစဉ်ဝယ်ဖတ်ရတဲ့ ရွှေသွေး၊ တေဇ၊ မိုးသောက်ပန်း တို့အပြင် လုံးချင်းကာတွန်းရုပ်ပြတွေဆိုတာ များလွန်းလို့ ထွက်တဲ့ စာအုပ်မှန်သမျှ ကုန်အောင်ဖတ်နိုင်ဖို့တောင် မနည်းအချိန်လုနေရပါ သေးတယ်။ လတိုင်းလတိုင်း အသစ်ထွက်တဲ့ရက်တွေဆို အလျဉ်မီအောင် တစ်ရက်ကို နှစ်အုပ်သုံးအုပ်တစ်ခါ တည်း ငှားဖတ်ရလေ့ရှိပြီး အသစ်ထွက်လာတဲ့ စာအုပ်ကို ပထမဦးဆုံး ရသွားတဲ့သူဟာ ကလေးဘဝတွေ တုန်းကတော့ ဆရာပါပဲ။ ကိုယ်သိပ်ကြိုက်တဲ့ဇာတ်ကောင်တွေပါတဲ့ စာအုပ်ဆိုရင် အသစ်ထွက်ထွက်ချင်း ကိုယ့်လက်ထဲရောက်ရောက်ချင်း ဖတ်လို့ပြီးသွားမှာကိုတောင် နှမြောလွန်းလို့ တယုတယ ပွတ်သပ် လို့ ပျော်ဖူးကြည်မွေ့ဖူးတဲ့အချိန်တွေပေါ့။ စာအုပ်ကို ဂရုစိုက်ကိုင်လို့၊ သီး သန့်နေရာ တစ်နေရာရှာလို့ ဇိမ်ယူ ပြီးဖတ်ခဲ့ရတဲ့ ကျွန်တော်တို့ ငယ်ငယ်က ဇာတ်ကောင်ဟီးရိုးတွေပါပဲ။

တစ်ခါတစ်ခါ ရန်ကုန်ကို အလည်ရောက်သွားတဲ့အခါ ဦးလေး အိမ် အပေါ်ထပ်မှာ ကလေးတွေ အကြိုက် စာအုပ်အစုံရှိတယ်။ ပုံပြင်စာအုပ်၊ ရွှေသွေး၊ တေဇတစ်နှစ်စာပေါင်းချုပ်စာအုပ်တွေကအစ အစဉ်လိုက်ရှိတဲ့အပြင် မဂ္ဂဇင်းစာအုပ်တွေ ဆိုတာကလည်း မနည်းမနောပဲ။ ရန်ကုန်အလည်သွားတယ်ဆိုပေမယ့် အပြင်ထွက်မလည်ဖြစ်ဘဲ ဦးလေး အိမ်အပေါ်ထပ် စာအုပ်ပုံကြားမှာပဲ နေဖြစ်ခဲ့တာများပါတယ်။ ဦးလေး တိုက်ခန်းက အပေါ်အောက် နှစ်ခန်း တွဲမှာ အပေါ်ထပ်က အိပ်ခန်းတွေနဲ့ ဘုရားခန်းပဲရှိပြီး လူလည်း ညအိပ် ချိန်မှလွဲ သိပ်မနေတော့ ကလေးတွေ အဖို့ တစ်နေကုန် လွတ်လွတ်လပ်လပ်စိတ်ကြိုက်နေလို့ရပါတယ်။ တစ်ခါတလေ သုံးလေးငါးရက် တိုက်အောက်မဆင်းဖြစ်ဘဲ ထမင်းမေ့ ဟင်းမေ့ စာထိုင်ဖတ်ခဲ့ရတဲ့ ကာလတွေမှာ ဝမ်းကွဲအစ်ကိုတွေကလည်း တကယ့်စာဖတ်ဝါသနာအိုးတွေ။ သီချင်းခွေ မလွတ်တမ်းနားထောင်မယ်၊ တစ်ချိန်လုံးစာဖတ်မယ်ဆိုတာ ပါပဲ။ တိုက်ခန်းပေါ်မှာပဲ ဆော့လို့ရ တဲ့ကစားစရာ မျိုးစုံနဲ့ဆော့မယ်၊။ အပြင် ကစားကွင်းဆိုတာမျိုးက အဲဒီကာလတွေလွန်မှ အတော်အတန်နောက်ကျ မှသာ ပေါ်လာတာတွေပေါ့။

အထက်တန်းကျောင်းသား အရွယ်ရောက်တော့ အပျော်ဖတ် ဝတ္ထုတွေကို  ငြီးငွေ့လာ ရိုးလာတဲ့ အခါ ဘာစာအုပ်တွေ ထပ်ဖတ်ရ မလဲဆိုတာ အကြီးဆုံးပြဿနာဖြစ် လာပါတယ်။ ကျွန်တော်တို့ခေတ်ကတော့ စာကြည့်တိုက်ဆိုတာက   လည်း အဆောက်အအုံနဲ့ထောင်ထားတဲ့ ဆိုင်းဘုတ်ကလွဲရင် စာဖတ် ချင်တဲ့ သူတွေအတွက် ဘာမှ အသုံး မဝင်ပါဘူး။ စာကြည့်တိုက်မှာ တစ်ချိန်လုံးရှိနေပေမယ့် စာကြည့် တိုက်မှူးလည်း သီးသန့်မရှိပါဘူး။ နယ်က အငှားဆိုင်တွေကို ရောက်လာသမျှစာအုပ်ဆိုတာတွေကလည်း လစဉ်ထုတ်အပျော်ဖတ်ဆိုတာတွေ ချည်း များပါတယ်။ ရုပ်ပြ၊ မဂ္ဂဇင်း၊ လုံးချင်းဝတÄုတွေပဲရှိပါတယ်။ တန် ဖိုးထားဝယ်သိမ်းထားလို့ရအောင်ကောင်းပါတယ်ဆိုတဲ့ဝတ္ထုတွေ စာအုပ် တွေဆိုတာမျိုးက နယ်က အငှားဆိုင်မှာ မတင်တတ်လို့ အိမ်တွေမှာ ဝယ်သိမ်းထားဖူးသူတွေဆီကသာ အောက်ကျို့ငှားဖတ်ရတာမျိုးပါ။

 စာကြည့်တိုက်တွေမှာ စာ ကောင်းပေမွန်တွေ ဖတ်လို့ရတဲ့ခေတ်ကို ဖြတ်သန်းခွင့်ရတဲ့သူတွေ ဟာ အင်မတန်ကံကောင်းခဲ့တာပဲလို့ တောင် ထင်ခဲ့ဖူးတဲ့ ကာလတွေပေါ့။ ကျွန်တော်တို့ခေတ်မှာတော့ စကား အရ အသာစီးယူစရာ ကြွားဝါဖို့ဆို တာမျိုးလောက်တောင်မှ ဖတ်ခွင့် မရဖူးခဲ့တဲ့ ကျွန်တော်တို့ငယ်ဘဝ ကိုးဆယ်ကျော်ခုနှစ်တွေပါပဲ။ ခေတ်ပေါ်ကဗျာဆိုတာမျိုးကို နယ်မှာ တော့ ထင်းရှူးပင်ရိပ်ကို စဖတ်ပြီး စွဲလမ်းခဲ့ရတယ်လို့ ပြောလို့မရခဲ့ပါ ဘူး။ လစဉ်မဂ္ဂဇင်းမှာ ဖော်ပြပါရှိ သလောက် ကဗျာနဲ့ကဗျာအကြောင်း များသာ နယ်ကလူတွေစာဖတ်ဝါသနာပါသူတွေအတွက် အားကိုး ဖတ်ရတဲ့ကြောင်းအရာနဲ့ ခေါင်းစဉ်တွေပါပဲ။ ကိုယ်ရူးရင်ရူးသလောက်နဲ့ မဂ္ဂဇင်းစာမျက်နှာတွေသာလှန်လို့ ရောင်စုံအလှဓာတ်ပုံများကြား ကဗျာ စာသားများဟာ လူငယ်ဘဝထွက်ပေါက်ဖြစ်ခဲ့ရတာ အခုပြန်ရေးရင် ပြန်လွမ်းနေမိပါသေးတယ်။ လွမ်း စရာတွေချည်းပါပဲ။

နိုလှိုင်း

Comments (0)

Leave a reply

Your email address will not be published. Required fields are marked *

*