အကယ်ဒမီကို ဘယ်နှစ်မှ မမျှော်လင့်ခဲ့ပါဘူး ပြေတီဦး

အကယ်ဒမီကို ဘယ်နှစ်မှ မမျှော်လင့်ခဲ့ပါဘူး ပြေတီဦး
July 31, 2017 Leanne Win
အကယ်ဒမီကို ဘယ်နှစ်မှ မမျှော်လင့်ခဲ့ပါဘူး ပြေတီဦး

Pyay-Ti-Oo

ပြေတီဦးက ဒါရိုက်တာ မောင်မျိုးမင်း (ရင်တွင်းဖြစ်) ရိုက်ကူးပုံဖော်ခဲ့တဲ့ ‘ ရာဇဝင်ရိုင်းသူများ’ ရုပ်ရှင်ဇာတ်ကားမှာ မြင့်မိုရ်ဆိုတဲ့ ဇာတ်ကောင်နာမည်နဲ့ ပါဝင်သရုပ်ဆောင်ထားတာကို တွေ့ရ ပါတယ်။ ဒီဇာတ်ကားမှာ အတ္တနဲ့ သံသယ လွန်ဆွဲရတဲ့ ဇာတ်ဝင်ခန်းတွေအများကြီးပါတာကို တွေ့ ပါတယ်။ အဲဒီအခန်းတွေအတွက် ပြင်ဆင်မှုပိုင်းကိုတော့ ပြေတီဦးက “ကျွန်တော်တို့က ဇာတ်လမ်း ကို နားလည်အောင်ဖတ်ရတယ်။ ပြီးတော့ တစ်ခန်းချင်းရိုက်မယ့်ဟာမှာ ဘယ်လိုမုဒ်ဖြစ်မလဲ ဆိုတာပေါ့နော်။ အဲဒီ စိတ်ခံစားချက်ကို သေချာနားလည်အောင် လုပ်ရတယ်။ ပြီးရင် အဲဒီခံစား ချက်အတိုင်း ဖြစ်အောင် ရိုက်ကွင်းပေါ်မှာ သရုပ်ဆောင်ရတယ်။ နောက်တစ်ခါကျတော့ မရိုက်ခင် မှာ ဘယ်လို အိုက်တင်လေးတွေ လုပ်လို့ရလဲဆိုတာ တစ်ခါတည်း စဉ်းစားရတယ်။

တကယ်ရိုက် ပြီဆိုတဲ့ အခါ ကျရင် သရုပ်ဆောင်တစ်ယောက်ရဲ့ မုဒ်က ရင်ထဲမှာ ဖြစ်လာတယ်။ ရင်ထဲမှာဖြစ် လာတဲ့ မုဒ်ကို ခုနကိုယ်စဉ်းစားထားတဲ့ သရုပ်ဆောင်ချက်လေးတွေနဲ့ ပေါင်းပြီး လုပ်လိုက်တယ်။ အဲဒီလိုမျိုးလေးပေါ့”လို့ ပြောပါတယ်။ ဒီရုပ်ရှင်ဇာတ်ကားမှာဆိုရင် ပြေတီဦးနဲ့ မြင့်မြတ်တို့ အပြိုင် သရုပ်ဆောင်ထားတာကိုလည်း တွေ့ရပါတယ်။ မြင့်မြတ်သရုပ်ဆောင်ထားတာ တအား ကောင်းတဲ့ အခန်းတွေလည်းပါတာကြောင့် မြင့်မြတ်အတွက် အကယ်ဒမီရမယ်ဆိုလည်း ရနိုင်ကြောင်း ပြောပြ ပြီး သူ့အတွက်တော့ အကယ်ဒမီဆိုတာ မမျှော်လင့်ပါဘူးလို့ ပြေတီဦးက ပြောပြလာပါတယ်။

“ကျွန်တော်ကတော့ မမျှော်လင့်ဘူဗျ။ မမျှော်လင့်ဘူးဆိုတာက ပထမဆုံး တစ်နှစ်တုန်း ကတော့ အကယ်ဒမီ တအားလိုချင်တာပေါ့နော်။ မရဖူးသေးတော့လေ။ နောက်ပိုင်း နှစ်တွေက တော့ ရတာ၊ မရတာ သိပ်ပြဿနာမရှိဘူးပေါ့နော်။ ကိုယ့်အတွက်ကိုတော့ ဘယ်နှစ်မှ မမျှော်လင့် ခဲ့ပါဘူး။ အခု ဒီဇာတ်ကားမှာဆိုရင် မြင့်မြတ်လည်း တအားကောင်းတယ်။ ရမယ်ဆိုလည်း ရနိုင်ပါတယ်။ သူသရုပ်ဆောင်တာ တအားကောင်းတဲ့ အခန်းလေးတွေ တော်တော်များများ ပါတယ်လေ” လို့ပြောပါတယ်။

အခု လတ်တလောမှာတော့ ပြေတီဦးက ဒါရိုက်တာ ကျော်ဇောလင်း ရိုက်ကူးနေတဲ့ ‘Voting အများဆုံး အချစ်’ ဆိုတဲ့ ရုပ်ရှင်ဇာတ်ကားကို မင်းမော်ကွန်း၊ ကျော်ကျော်ဗိုလ်၊ ဝတ်မှုံရွှေရည်၊ စိုးနန္ဒာကျော် တို့နဲ့အတူ ချောင်းသာမှာ သွားရောက် ရိုက်ကူးနေပါတယ်။

ဇင်မာနွယ်
ဓာတ်ပုံ- အောင်ဇော်မင်း

Comments (0)

Leave a reply

Your email address will not be published. Required fields are marked *

*