Waterfall Bike Challenge 2017 ရေတံခွန်တောင် Mountain Bike စက်ဘီးစီးပြိုင်ပွဲနှင့် တောင်အဆင်း လမ်းကြမ်း Down Hill စက်ဘီးစီးပြိုင်ပွဲ

Waterfall Bike Challenge 2017 ရေတံခွန်တောင် Mountain Bike စက်ဘီးစီးပြိုင်ပွဲနှင့် တောင်အဆင်း လမ်းကြမ်း Down Hill စက်ဘီးစီးပြိုင်ပွဲ
July 20, 2017 Leanne Win
Waterfall Bike Challenge 2017 ရေတံခွန်တောင် Mountain Bike စက်ဘီးစီးပြိုင်ပွဲနှင့် တောင်အဆင်း လမ်းကြမ်း Down Hill စက်ဘီးစီးပြိုင်ပွဲ

circle

မန္တလေးတိုင်းဒေသကြီး ကျန်းမာရေးနှင့် အားကစားဝန်ကြီးဌာနနှင့် မြန်မာနိုင်ငံစက်ဘီးအဖွဲ့ချုပ်တို့က ကြီးမှူးပြီး  Mandalay Free Rider(MFR) စက်ဘီးစီးအဖွဲ့က ဦးစီးကျင်းပတဲ့ ဒုတိယအကြိမ်မြောက် “Waterfall Bike Challenge 2017” ရေတံခွန်တောင် Mountain Bike စက်ဘီးစီးပြိုင်ပွဲနဲ့ တောင်အဆင်းလမ်းကြမ်း DownHill စက်ဘီးစီးပြိုင်ပွဲကို ဇူလိုင်လ ၉ ရက် နံနက်ပိုင်းက ကျင်းပပြုလုပ်ရာ ပြိုင်ပွဲဝင်စက်ဘီးသမား စုစုပေါင်း ၃၁၄ ဦး ပါဝင်ယှဉ်ပြိုင်ခဲ့ကြောင်း သိရှိရပါတယ်။

“ဒီပြိုင်ပွဲကို MFR ဦးစီးပြီး ကျင်းပခဲ့တာ ဒုတိယအကြိမ်မြောက် ဖြစ်ပါတယ်။ ရေတံခွန်တောင် “Waterfall Bike Challenge 2017” စက်ဘီးစီးပြိုင်ပွဲကို မန္တလေး၊ စစ်ကိုင်း၊ ပြင်ဦးလွင်၊ ရန်ကုန်၊ တောင်ကြီးနှင့် အနယ်နယ်အရပ်ရပ်တို့မှ စက်ဘီးစီးကလပ် အသင်း၁ဝ သင်းကျော်မှ အားကစားသမား အယောက် ၃ဝဝကျော်အပြင် Down Hill ပြိုင်ပွဲကို အာရှ အကောင်းဆုံး စက်ဘီးစီး အားကစားသမားစာရင်းဝင် ထိုင်းနိုင်ငံမှ အမျိုး သားလက်ရွေးစင် စက်ဘီးစီးကစား သမား၃ယောက် လာရောက်ယှဉ်ပြိုင် ပါတယ်” လို့ MFRမှ အဖွဲ့ဝင်တစ်ဦးက ပြောကြားပါတယ်။

ရေတံခွန်တောင် Mountain Bike စက်ဘီးစီးပြိုင်ပွဲကို နံနက် ၆ နာရီက မန္တလေးမြို့၊ ၇၈လမ်း၊ ဒိုင်းမွန်းပလာဇာရှေ့ တာလွှတ်စုနေရာမှာ ကျင်းပရာ မန္တလေးတိုင်း ဒေသကြီး စိုက်ပျိုးရေး၊ မွေးမြူရေ နှင့် ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်းက အချက်ပြသေနတ်ပစ်ဖောက်ပေးပြီး တာလွှတ် ပေးခဲ့ပါတယ်။ ပြိုင်ပွဲဝင်များအနေနဲ့ စုရပ်မှ ၇၈လမ်းအတိုင်း ၂၆လမ်း အထိ၊ ၂၆လမ်းမှ လမ်း၈ဝ၊ ၁၂လမ်း ၊ ၆၆လမ်းများအတိုင်း နန်းမြို့ကျုံး အရှေ့ ၁၉လမ်း အထိ ၊ ၁၉လမ်းမှ ရန်ကင်းတောင်ပတ်လမ်း၊ နည်းပညာတက္ကသိုလ် MIT မြေလမ်း Off Road ရေတံခွန်တောင်တက်လမ်းမှ ထူမဘုန်းကြီးကျောင်း အထိ ယှဉ်ပြိုင်စီးနင်းကာ ပန်းဝင်ခဲ့ကြပါတယ်။

အဆိုပါပြိုင်ပွဲမှာ အသက်၂၅ နှစ် အောက်ပြိုင်ပွဲမှ စောအယ်ခူးက ပထမ၊ ဥာဏ်လင်းထက်က ဒုတိယ ၊ ဟန်ထွန်းဦးက တတိယ၊ အသက် ၆ဝ နှင့်အထက် ပြိုင်ပွဲမှာ ဦးလှရွှေက ပထမ၊ ဦးထွန်းခိုင်က ဒုတိယ၊ ဦးရဲကြည်က တတိယ၊ အသက် ၂၅-၃၅ တန်းမှ ဖိုးလုံးက ပထမ၊ ကျော်မျိုးသက်က ဒုတိယ၊ ဇော်ဇော်အောင်က တတိယ၊ အသက် ၃၅- ၄ဝတန်းမှ မင်းဇော်ဦးက ပထမ၊ နေမျိုး အောင်က ဒုတိယ၊ သက်လွင်ဦးက တတိယ၊ ၄ဝ-၆ဝ တန်းမှ ခင် မောင်ချိုက ပထမ၊ ဌေးအောင် (ခ)ရဲဘော်ကြီးက ဒုတိယ၊ ဒွေးတာ က တတိယ ရရှိခဲ့ကြကြောင်းသိရ ပါတယ်။

ဒီ့နောက် တောင်အဆင်း လမ်းကြမ်း Down Hill စက်ဘီးစီး ပြိုင်ပွဲကို နံနက် ၈နာရီခွဲမှ ရေတံခွန်တောင်ဘေးရှိ အမြင့် ၁၁၅ပေရှိ နေကာတောင် တာလွှတ် စုရပ်မှ တောင်ဆင်းလမ်းကြမ်း ဆက်လက်ယှဉ်ပြိုင်ကြရာ Bike တန်းပွဲမှ ထိုင်းနိုင်ငံမှ KYA(thai)  က ပထမ၊ လှဖြိုးက ဒုတိယ၊  Sai က တတိယ၊  Master တန်းတွင် မြတ်ကျော်က ပထမ၊ စည်သူစိုးက ဒုတိယ၊ ရှမ်းကြီးက တတိယရရှိကြပြီး ဆုပေးပွဲအခမ်းအနားကို နေကာ တောင်ခြေ၌ ဆက်လက်ကျင်းပပြုလုပ်ခဲ့ရာ ဆုရရှိသူများကို တာဝန်ရှိသူများက ဆုများ အသီးသီး ချီးမြှင့်ခဲ့ကြောင်း သိရပါတယ်။

Comments (0)

Leave a reply

Your email address will not be published. Required fields are marked *

*