အမှတ်တရအဖြစ် တီးလုံးသီးသန့် စီးရီးခွေကို ထုတ်ဝေခဲ့တဲ့ ချမ်းအေးဝင်း

အမှတ်တရအဖြစ် တီးလုံးသီးသန့် စီးရီးခွေကို ထုတ်ဝေခဲ့တဲ့ ချမ်းအေးဝင်း
July 18, 2017 Leanne Win
အမှတ်တရအဖြစ် တီးလုံးသီးသန့် စီးရီးခွေကို ထုတ်ဝေခဲ့တဲ့ ချမ်းအေးဝင်း

Chan-A-Win

ဟစ်ဟော့ပ်အဆိုတော်တစ်ဦးလည်းဖြစ်၊ ဟစ်ဟော့ပ် တီးလုံးတွေကိုလည်း နောက်ကွယ်ကနေဖန်တီးပေးသူ ဖြစ်တဲ့ ချမ်းအေးဝင်းက သူ့ရဲ့ပထမဆုံး Instrumental  စီးရီးကို ဇူလိုင်လထဲမှာ ထွက်ရှိလာခဲ့ပြီဖြစ်ပါတယ်။ သီချင်းမပါ တဲ့ တီးလုံးသက်သက် Instrumental  စီးရီးကို ထုတ်ဝေဖြစ်ပုံကို ချမ်းအေးဝင်းက..

“ကျွန်တော်သီဆိုခဲ့တဲ့၊ တီးခဲ့တဲ့သီချင်းလေးတွေကို အမှတ်တရအနေနဲ့ Instrumental Version  နဲ့ ထုတ် ဝေတဲ့သဘောပါ။ ဒီနေရာမှာ အဆိုတော်အနေနဲ့ မဟုတ်ဘဲ အတီးသမား အနေနဲ့ထုတ်တာပါ။ တီးလုံးသီး သန့်ခံစားလို့ရအောင်ပါ။ ကျွန်တော်အားကျတဲ့ ပြည်ပ က အတီးသမားတွေလည်း အဲဒီလို သူတို့ကိုယ်ပိုင် Instrumental  တွေ ထုတ်ဝေကြတယ်။ ကျွန်တော်လည်း အတီးသမားတစ်ယောက်အနေနဲ့ အဲဒီလို ထုတ်တာပါ” လို့ ချမ်းအေးဝင်းက ပြောပါတယ်။ သီချင်းမပါဘဲ တီး လုံးသီးသန့်နဲ့ထွက်လာခဲ့တဲ့အပေါ် ချမ်းအေးဝင်းအနေနဲ့ စိုးရိမ်မိခဲ့သေးလားဆိုတဲ့ အမေးကိုတော့ ချမ်းအေးဝင်းက

“ကျွန်တော်အဲဒီလို မျိုးတွေးထားတာတော့ရှိတယ်။ ပရိသတ်တွေနဲ့ အဆင်ပြေပါ့မလားပေါ့။ နောက်တစ်ခုက ဘာရှိလဲဆိုတော့ ခုခေတ်က Trend တစ်မျိုးဖြစ်တဲ့အခါ ကျွန်တော့်တီးလုံးတွေက အရင်ကဟစ်ဟော့ပ်တီးလုံးပုံစံတွေ ပေါ့။ ပရိသတ်တောင့်တနေတဲ့အချိန်မဟုတ်တဲ့အချိန်မှာ ထုတ် လိုက်သလို ဖြစ်သွားမလားဆိုပြီး စိတ်ပူမိတာရှိတယ်။ ဒါပေမဲ့ ကျွန်တော့် အနေနဲ့ Trend နဲ့လိုက်ပြီး လုပ်သင့်၊လုပ်ထိုက်တာ တွေလည်း လုပ်ခဲ့ပါပြီ။ အခုဒီအခွေလေးကတော့ ကျွန် တော်လုပ်ချင် တဲ့ပုံစံကို ကျွန်တော့်အတွက် အမှတ် တရတစ်ခုအနေနဲ့ ပြန်ထုတ်လိုက်တဲ့သဘောပါ”လို့ ချမ်းအေးဝင်းက ပြောပါတယ်။

ချမ်းအေးဝင်းက ပရိသတ်တွေ အားပေးမှု ကို အများကြီးမမျှော်မှန်းခဲ့ပေမယ့် လက်တွေ့ ထွက်ရှိလာတဲ့အချိန်မှာ ပရိသတ်အားပေးမှုတွေလည်း ရရှိခဲ့တာကြောင့်ထင်မထားတဲ့ ပီတိဖြစ်မှုမျိုးရခဲ့ တယ်လို့လည်း ပြောပါတယ်။

“ကျွန်တော့်အခွေကို စိတ်ဝင်စားကြတဲ့ အတွက်လည်း ဝမ်းသာပါတယ်။ ပြီးတော့ဟစ်ဟော့ပ် ဂီတတကယ်ချစ်ပြီး တီးလုံးပဲဖြစ်ဖြစ်၊အသံပဲဖြစ်ဖြစ်နား ထောင်ကြသူတွေကိုလည်း ကျေးဇူးတင်ပါတယ်။ Music ကိုတကယ်ခံစားကြတဲ့ သူတွေရှိကြတဲ့အတွက် ဒီအခွေ လေးက အဆင်ပြေခဲ့ပါတယ်”လို့ ချမ်းအေးဝင်းက ပြောပြီး သူ့ အနေနဲ့သူကိုယ်တိုင် သီဆိုထားတဲ့ သီချင်းတွေ ကိုလည်း စီးရီးအဖြစ် ထွက်ရှိလာဖို့ အစီအစဉ်ရှိတယ်လို့ ပြောပါတယ်။

ရဲရဲ

Comments (0)

Leave a reply

Your email address will not be published. Required fields are marked *

*