အဓိက ဇာတ်ဆောင် ၊ ဇာတ်ပို့နှင့် ထူးချွန်ဆု

အဓိက ဇာတ်ဆောင် ၊ ဇာတ်ပို့နှင့် ထူးချွန်ဆု
January 3, 2017 Asian Fame
အဓိက ဇာတ်ဆောင် ၊ ဇာတ်ပို့နှင့် ထူးချွန်ဆု

academyရုပ်ရှင် ထူးချွန်ဆုပေးပွဲ ပြီးလျှင် နှစ်စဉ် ငြင်းခုံ ပွက်လောရိုက်နေသည့် ပြဿနာများ စွာရှိသည်။ ထိုအထဲမှ အဓိကဇာတ် ဆောင်နှင့် ဇာတ်ပို့ ဆုမှာ အများဆုံး ဖြစ်ပေသည်။ အငြင်းပွားချက်များ သည် တစ်ခါတစ်ရံ အကဲဖြတ် အဖွဲ့၏ သတ်မှတ်ချက်နှင့် ကွဲလွဲမှု များစွာ ရှိနေပေ သည်။ အမြင်ချင်း မတူကြ ခြင်းဖြစ်သည်။ ဥပမာအားဖြင့် ဇာတ်ပို့ အခြေခံအလွှာမှ တင်ပြချက် တစ်ခုရှိနေပေသည်။ ဇာတ်ပို့ဆု ရရှိသူ သည် မြန်မာနိုင်ငံ ရုပ်ရှင် အစည်းအရုံး ဇာတ်ပို့ အခြေခံ အလွှာ မှ ဖြစ်သင့်သည်ဟု တင်ပြသည်။ ဇာတ်ပို့ဆုကို ဇာတ်ပို့/ဇာတ်ရံ အခြေခံ အလွှာမှ ရရှိသော စေတနာ ကို နားလည်မိသည်။

အခြေခံအလွှာကို ပြန်လည် သုံးသပ်သည့် အခါတွင် ပြောရခက် သောပြဿနာတွေ များစွာ ရှိသည်။ တစ်ချိန်က နာမည်ကျော် မင်းသား များသည် အခုအချိန်တွင် ဇာတ်ပို့ ကောင်းများ ဖြစ်နေကြသည်။ ရုပ်ရှင်လောကဝင်စဉ် ငယ်ရွယ်စဉ် က အဓိက ဇာတ်ဆောင်မင်းသား များ ဖြစ်သော်လည်း အသက်အရွယ် အခြေအနေ အရ ပြောင်းလဲကြရခြင်း ဖြစ်သည်။ ဥပမာ ဦးထွန်းထွန်းဝင်း၊ ဦးဇင်ဝိုင်း၊ ဦးရန်အောင်၊ ဦးရဲအောင်၊ ဦးဇော်ဦး တို့သည် တစ်ချိန်က ခေါင်း ဆောင် မင်းသား များဖြစ်သည်။ အဓိက ဇာတ်ဆောင် နေရာက ပါဝင် သရုပ်ဆောင် ခဲ့ကြသည်။ သို့ကြောင့် အဓိက ဇာတ်ဆောင် အခြေခံ အလွှာ တွင် ဝင်ထားသူများဖြစ်သည်။ ယနေ့အထိလည်း အဓိကဇာတ် ဆောင် အလွှာမှ အနုပညာရှင်များ ဖြစ်ပါသည်။ အသက်အရွယ် အရ အခြေအနေအရ ဇာတ်ပို့နေရာမှ ပါဝင်ကြသည်။ အကယ်၍ ဇာတ်ပို့ ထူးချွန် ဆု ရရှိခြင်းသည် ဇာတ်ပို့ အခြေခံအလွှာမှ ဖြစ်ရမည် ဟူ၍ ပြောမရပေ။ အမျိုးသားများ ကဲ့သို့ပင် အမျိုးသမီး ဇာတ်ပို့ များသည် လည်း ခေါင်းဆောင် မင်းသမီးများ ဖြစ်ကြပါ သည်။ ဥပမာ ဒေါ်မေသန်းနု၊ ဒေါ်မေ သဉ္ဇာဦး၊ ဒေါ်မြင့်မြင့်ခိုင်၊ ဒေါ်ဆွေ ဇင်ထိုက် တို့သည် တစ်ချိန်က နာမည် ကျော် ခေါင်းဆောင် မင်းသမီးများ ဖြစ်ပါသည်။ ယခုအခါတွင် အခြေ အနေအရ ကျရာဇာတ်ရုပ်မှ ပါဝင် သရုပ်ဆောင်ကြရခြင်းဖြစ်သည်။

ရုပ်ရှင်ဗီဒီယို လောကသား အနုပညာရှင်၊ အတတ်ပညာရှင် များ တွင် တချို့ဘာသာရပ်(၂)ခု (၃)ခု လုပ်ကိုင်ကြ သူတွေရှိသည်။ ဘယ် အလွှာ မှာနေရမည်ဟု သတ်မှတ်ချက် မရှိပေ။ မိမိ ကြိုက်နှစ်သက်ရာ အခြေ ခံအလွှာတွင် နေပိုင်ခွင့် ရှိသည်။ ကျွန်တော် ဇာတ်လမ်း/ ဇာတ်ညွှန်း အခြေခံအလွှာမှ သူငယ်ချင်းတော် တော်များများ ဒါရိုက်တာများ ဖြစ်ကုန်ကြသည်။ သို့သော် တချို့သူ များသည် ဒါရိုက်တာ အခြေခံ အလွှာသို့ မပြောင်းဘဲ ဇာတ်လမ်း/ ဇာတ်ညွှန်း အခြေခံ အလွှာတွင်သာ ပျော်မွေ့နေကြ ပုံရသည်။ ဥပမာ ဒါရိုက်တာ ရဲဝန်ထမ်းဟောင်း တစ်ဦး ဒါရိုက်တာ မောင်နီလွင်(သပြု)၊ ဒါရိုက်တာ အောင်မင်းသိမ်း တို့ ဖြစ်သည်။ အခြေခံအလွှာ ခွဲခြားမှုနှင့် ပတ်သက်၍ တင်ပြခြင်းဖြစ်ပါသည်။

ရုပ်ရှင် အကဲဖြတ်အဖွဲ့မှ ထူးချွန် ဆုများကို စိစစ်အကဲဖြတ်ရာတွင် အဆင့်ဆင့် ပြောင်းလဲလာသည်။ ဟိုယခင်က ဇာတ်ပို့ ထူးချွန်ဆု (အမျိုး သား/ အမျိုးသမီး) အဓိကဇာတ် ဆောင် ထူးချွန်ဆု (အမျိုးသား/ အမျိုးသမီး) များကို အကဲဖြတ်အဖွဲ့ ကသာ သတ်မှတ်ပေးခဲ့ သည်။ သို့သော် ပွဲပြီးသည်နှင့် အငြင်းပွား စရာတွေက ဖြစ်မြဲဖြစ်ကြသည်။ ကြာလာသောအခါ သက်ဆိုင်ရာက ထုတ်လုပ်သူနှင့် ဒါရိုက်တာ လက် မှတ်ထိုး၍ ပါဝင်သော အနုပညာရှင်၊ အတတ်ပညာရှင် စာရင်းကို တင်ခိုင်း သည်။ တင်ပြထားသော စာရင်း အတိုင်း အကဲဖြတ် အဖွဲ့မှ ဆုံးဖြတ် ကြသည်မှာ မြန်မာ့ရုပ်ရှင် လုပ်ငန်း ကျင်းပချိန် မှစ၍ဖြစ်သည်။ ယခုဆို လျှင် မြန်မာနိုင်ငံ ရုပ်ရှင်အစည်း အရုံးက ၂ဝ၁၃ခုနှစ် တစ်ကြိမ်၊ ၂ဝ၁၄/၂ဝ၁၅ ခုနှစ် တစ်ကြိမ်အထိ ဖြစ်ပါသည်။ အငြင်းပွားဖွယ်ရာ စာရွက် စာတန်းများ ထုတ်၍ တင်ပြ သော်လည်း လက်မှတ်ထိုး တင်ထား သော စာရွက်ပင်လျှင် အတုလိုလို ဘာလိုလို ပြောသူက ပြောသည်။ သူက အဓိက ဇာတ်ဆောင် ဖြစ်သည်။ ဇာတ်ပုိ့ဖြစ်သည်ဟု အသံညံလာ ပြန်သည်။

၂ဝ၁၆ခုနှစ် စိစစ် အကဲဖြတ်ရေး အဖွဲ့မူက ပြောင်းလဲလာရသည်။ ယခင်နှစ်က ဘာသာရပ် အလိုက် ခွဲခြား၍ အကဲဖြတ် အမှတ်ပေးကြ သည်။ အသံပညာရှင် များက အသံ ဆုနှင့် ဇာတ်ကားဆု ပေးသည်။ တေးဂီတပညာရှင် များက တေးဂီတ နှင့်ဇာတ်ကားဆု ပေးသည်။ သရုပ် ဆောင် ပညာရှင်များက သရုပ်ဆောင် (၄)ဆုနှင့် ဇာတ်ကားဆု ပေးရသည်။ စသည်ဖြင့် ဘာသာရပ် အလိုက် ခွဲခြား၍ အမှတ်တွေပေး ကြသည်။ ယခုနှစ်တွင် ဘာသာရပ် အလိုက် ခွဲခြားသည်မှာ မှန်သော်လည်း အမှတ်ပေးပုံ ကွာခြားသွားသည်။ ပို၍ ပို၍ ပြည့်စုံကောင်းမွန်လာ အောင် ပြောင်းလဲ လာခြင်းဖြစ် သည်။ ဥပမာ  အသံပညာရှင်များက အသံဆု၊ သရုပ်ဆောင်(၄)ဆုနှင့် ဇာတ်ကားဆု ပေးရသည်။ ဒါရိုက်တာ၊ သရုပ်ဆောင်၊ ဇာတ်ညွှန်း၊ ရုပ်ရှင် ဓာတ်ပုံ၊ ရုပ်ရှင်အသံ၊ ရုပ်ရှင်တည်း ဖြတ်၊ ဇာတ်ဝင် တေးဂီတ ဟူ၍ ပညာ ရှင်များ၊ အစုအဖွဲ့ များကို ခွဲခြားထား သည်။ ယခုနှစ်တွင် စာပေပညာရှင် များအဖွဲ့ဟူ၍ တစ်ဖွဲ့တိုးလာသည်။ ယခင်ကလည်း ထားဖူးသည်။ သို့သော် ၂ဝ၁၄/၂ဝ၁၅ ခုနှစ် ရုပ်ရှင်ထူးချွန် စိစစ်ရေးတွင် ပါဝင် သော ဘာသာရပ် အလိုက် ခွဲခြားထား သည့်အတွက် မပါရှိပေ။ ယခု ၂ဝ၁၆ခုနှစ် ရုပ်ရှင် ထူးချွန် စိစစ်ရေး တွင် စာပေပညာရှင် များပါလာသည်။ သူတို့က သရုပ်ဆောင်(၄)ဆု၊ ဇာတ်ကားဆုနှင့် ဒါရိုက်တာဆုများ ပေးရန်အတွက် ဖြစ်သည်။

နောက်တစ်ချက် ထူးခြားသည် က ပါဝင်သော အနုပညာရှင်၊ အတတ်ပညာရှင် စာရင်းကို ယခင်နှစ် များကအတိုင်း ဒါရိုက်တာ နှင့် ထုတ် လုပ်သူ လက်မှတ်ထိုးပြီး တင်ခိုင်းပါသည်။ သို့သော် အကဲဖြတ် အဖွဲ့၏ ကြည့်မြင် သုံးသပ်ချက်နှင့် ကွဲလွဲမှုများ ရှိနိုင်ကောင်းသည်။ အကဲဖြတ် အဖွဲ့က အဓိကဇာတ် ဆောင်၊ ဇာတ်ပို့ ခွဲခြား သတ်မှတ် ချက်သည်သာ အတည်ဖြစ်ကြောင်း ဆွေးနွေး ပြောကြားဆုံးဖြတ် ပြီးဖြစ် သည်။ ပရိသတ် အကြိုက်နှင့် ထပ်တူကျ/ မကျ မသိနိုင်ပေ။ ပရိသတ်က ကိုယ်ချစ်သော အနု ပညာရှင်ကို ရစေချင်သည်မှာ အမှန် ပင်ဖြစ်သည်။ ထူးချွန်ဆု ပေးပွဲပြီး လျှင် ထွက်လာမည့် အသံများကိုသာ နားစွင့်ကြ ရမည်ဖြစ်ပါသည်။

အေးကြူလေး

Comments (0)

Leave a reply

Your email address will not be published. Required fields are marked *

*