ဒီဇင်ဘာ ခံစားချက်ကို ပြန်လည် မျှဝေလိုက်တဲ့ အဆိုတော် ပြုံးမြသွယ်

ဒီဇင်ဘာ ခံစားချက်ကို ပြန်လည် မျှဝေလိုက်တဲ့ အဆိုတော် ပြုံးမြသွယ်
December 20, 2016 Asian Fame
ဒီဇင်ဘာ ခံစားချက်ကို ပြန်လည် မျှဝေလိုက်တဲ့ အဆိုတော် ပြုံးမြသွယ်

pyone

ဒီဇင်ဘာလက ဆွတ်ပျံ့ ကြည်နူးဖွယ်ကောင်းပါတယ်။ အေးချမ်းတယ်။ လတ်ဆတ်တယ်။ နယ်မြို့လေးတွေမှာဆို ဒီဇင်ဘာလကို ရန်ကုန်ထက် ပိုခံစားလို့ကောင်းတာ တွေ့ရမှာပါ။ ဒီဇင်ဘာလ ၁ ရက်နေ့မှာပဲ အဆိုတော်မလေး ပြုံးမြသွယ်က ‘Hello December’ ဆိုတဲ့ သီချင်း Music Video ကို အွန်လိုင်းပေါ်တင်ပြီး မိတ်ဆက်လိုက်ပါတယ်။ ပရိသတ်ကြိုက်ကြတဲ့ ဒီသီချင်းလေးနဲ့ပတ်သက်ပြီး ပြုံးမြသွယ်က..

” Hello December ကို ကို J.Fire ရေးပေးထားတာပါ။ အဲဒီသီချင်းက ဒီဇင်ဘာနဲ့ ပတ်သက်ပြီးတော့ ခံစားလို့ကောင်းတယ်။ ဒီဇင်ဘာပြီးသွားလို့ရှိရင် လွမ်းနေဦးမယ်။ အမြဲအမှတ်ရနေဦးမယ်။ ခံစားချက်နဲ့ တိုက်ဆိုင်တဲ့သူတွေကလည်း ဒီသီချင်းကို ကြိုက်ကြတယ်။ ဒီဇင်ဘာလမှာမွေးတဲ့သူတွေက ဒီသီချင်းကို ပိုပြီးတော့ အားပေးကြပါတယ်”လို့ ဆိုပါတယ်။ ပြုံးမြသွယ်က..

” သမီးအသက် ၁၃ နှစ်ထဲ ရောက်နေပါပြီ။ ကျောင်းကတော့ တောင်ကြီး Total Brain Works မှာတက်နေတုန်းပါပဲ။ အခုက ၆ တန်းပါ။ ဒီဇင်ဘာလထဲမှာ ကျောင်း လည်း ပိတ်တော့မယ်။ စာမေးပွဲလည်း ဖြေခါနီးနေပါပြီ” လို့ သူမကိုယ်သူမ မိတ်ဆက်ပါတယ်။ သူမက J.Fire ရဲ့ မန္တလေးတပင်ရွှေထီးစီးရီးခွေမှာလည်း J.Fire နဲ့အတူသီချင်းတစ်ပုဒ် ပါဝင်သီဆိုထားပါ သေးတယ်။ ” ကို X-Box တို့၊ ကို G.Fatt တို့ထဲမှာပါတဲ့ သီချင်းတွေကတော့ ဟစ်ဟော့ပ်ဘက်ကိုသွားတာ ပေါ့နော်။ ဒီထဲမှာကျတော့ ကို J.Fire က Rap ဆိုတယ်။ သမီးက Melody ဆိုတယ်။ နည်းနည်းတော့ ကွဲသွားပါတယ်။ သီချင်း နာမည်က “ဘာရယ်ကြောင့်မှန်းမသိ” ပါလို့ သူမကပြောပါတယ်။ ” ထွက်သမျှ သီချင်းတွေထဲမှာ အမှားလေးတွေပါခဲ့ရင် သမီးကို ဝေဖန်ပေးကြပါ” လို့ဆိုတဲ့ ပြုံးမြသွယ်က ၂ဝ၁၇ ခုနှစ်ထဲမှာ တစ်ကိုယ်တော်စီးရီးခွေထွက်ဖို့လည်း စီစဉ်နေကြောင်း သိရပါတယ်။

မျိုးမောင်

Comments (0)

Leave a reply

Your email address will not be published. Required fields are marked *

*