သဘင်ဥက္ကဋ္ဌ ဦးဖိုးချစ်၏ ပိုင်ဆိုင်မှုအား ဘဏ်တွင် ချိတ်ဆက် ကာ သဘင် လောကသားများအား ကျပ်သိန်းပေါင်း ၇ ထောင်ကျော် ထုတ်ချေးထား

သဘင်ဥက္ကဋ္ဌ ဦးဖိုးချစ်၏ ပိုင်ဆိုင်မှုအား ဘဏ်တွင် ချိတ်ဆက် ကာ သဘင် လောကသားများအား ကျပ်သိန်းပေါင်း ၇ ထောင်ကျော် ထုတ်ချေးထား
November 22, 2016 Asian Fame
သဘင်ဥက္ကဋ္ဌ ဦးဖိုးချစ်၏ ပိုင်ဆိုင်မှုအား ဘဏ်တွင် ချိတ်ဆက် ကာ သဘင် လောကသားများအား ကျပ်သိန်းပေါင်း ၇ ထောင်ကျော် ထုတ်ချေးထား

မြန်မာနိုင်ငံ သဘင်ပညာရှင်များအစည်းအရုံး (ဗဟို) သည် သဘင် ဖြင့် အသက်မွေးမှုပြုကြသူများ၏ သက်သာချောင်ချိစေရေးကို ရှေးရှု၍ တစ်နိုင်တစ်ပိုင်ချေးငွေများ ထုတ်ချေးပေးနိုင်ရန် မူဝါဒရှိသည်နှင့်အညီ ချေးငွေများ စနစ်တကျထုတ်ပေးနိုင်ရေးအတွက် ချေးငွေ စိစစ် ခွင့်ပြုရေး ကော်မတီကို နိုဝင်ဘာလ ၂၇ ရက်နေ့တွင် ဖွဲ့စည်းခဲ့သည်။

အဆိုပါကော်မတီတွင် ဒေါ်အေးအေးမော်- အဖွဲ့ ခေါင်းဆောင် (စာရင်းစစ်၊ ဗဟိုသဘင်)၊ ဦးဌေးလွင်- ကော်မတီဝင် (ဥက္ကဋ္ဌ၊ ပွဲစီစဉ်သူ အလွှာ)၊ ဦးဝင်းမောင်- ကော်မတီဝင် (အတွင်းရေးမှူး၊ ပွဲစီစဉ်သူအလွှာ)၊ ဦးအောင်သော်- ကော်မတီဝင် (တွဲဖက်အတွင်းရေးမှူး၊ ရန်ကုန်တိုင်း)၊ ဒေါ်ပတ္တမြားကေခိုင်- ကော်မတီဝင် (ပြန်ကြားရေးမှူး၊ ဗဟိုသဘင်) တို့ ပါဝင်သည်။ ချေးငွေ များသည် အစည်းအရုံး၏ ရန်ပုံငွေဖြင့် ထုတ်ချေးခြင်း မဟုတ်ဘဲ ဥက္ကဋ္ဌဦးဖိုးချစ်၏ ပိုင်ဆိုင်မှုအား ဘဏ်တွင်ချိတ်ဆက်ကာ ထုတ်ချေးပေးခြင်းဖြစ်ပါကြောင်း၊ ရရှိလာသော အတိုးများကို သဘင်အစည်းအရုံး၏ ရန်ပုံငွေအဖြစ် ထည့်ဝင်သုံးစွဲသွားမည်ဖြစ်ပါကြောင်း၊ ကနဦး အနေဖြင့် တည်ထောင် ခွင့်ရှိသူ သဘင်အဖွဲ့များအား ချေးငွေများ ခွင့်ပြုပေးလျက်ရှိပါကြောင်း၊ ချေးငွေစိစစ် ခွင့်ပြုရေး ကော်မတီအနေဖြင့် သက်ဆိုင်ရာပြည်နယ်၊ တိုင်းဒေသကြီး သဘင်အစည်း အရုံးများမှ အဆင့်ဆင့်စိစစ်တင်ပြလာသော ချေးငွေ တင်ပြချက်များကို ထပ်မံစိစစ်ကာ အသုတ်လိုက်ေ သာ် လည်းကောင်း၊ အရစ်ကျသော်လည်းကောင်း စိစစ်ခွင့် ပြုပေးလျက်ရှိပါကြောင်း၊ စက်တင်ဘာလ ၁ ရက်နေ့မှ စတင်ကာ ယနေ့ အချိန်အထိ မန္တလေးတိုင်းဒေသကြီး၊ မကွေးတိုင်းဒေသကြီး၊ ပွဲ စီစဉ်သူအလွှာ၊ ရန်ကုန်တိုင်း ဒေသကြီး၊ စစ်ကိုင်းတိုင်းဒေသကြီး သဘင်အစည်း အရုံးများမှ တာဝန်ယူတင်ပြလာသော ချေးငွေပမာဏ  စုစုပေါင်း ၇၈၄၆ဝဝဝဝဝ ကျပ် (ကျပ်သိန်းပေါင်း ခုနစ်ထောင့်ရှစ် ရာ လေးဆယ့်ခြောက်သိန်းတိတိ) အား ခွင့်ပြုထုတ်ချေးပေးပြီးဖြစ်ပါကြောင်း၊ တင်ပြထားပြီး စိစစ်ဆဲအခြားပြည်နယ်၊ တိုင်းဒေသကြီး များမှ ချေးငွေ များကိုလည်း အထက်တွင်ဖော်ပြခဲ့ သည့် အတိုင်းအသုတ်လိုက်သော်လည်းကောင်း၊ အရစ်ကျသော်လည်းကောင်း ဆက်လက်စိစစ် ချမှတ်ဆောင်ရွက်ပေးသွားမည် ဖြစ်ကြောင်းလည်း မြန်မာသဘင် ပညာရှင်များအစည်း အရုံး (ဗဟို)၊ ချေးငွေ စိစစ်ခွင့်ပြုရေးကော်မတီမှ  ထုတ်ပြန်ကြေညာခဲ့သည်။

လင်းအက္ခရာ

Comments (0)

Leave a reply

Your email address will not be published. Required fields are marked *

*